Znajści
Ałharytmičny łacinski varyjant
28.11.2023 / 21:23RusŁacBieł

Pastaŭcie hetyja vazony na padakońnie, i kandensatu nie budzie

Z nastupleńniem chaładoŭ my časta sutykajemsia z prablemaj kandensatu na voknach. Kožny ź im zmahajecca pa-svojmu. Ale jość sposab, jaki nie patrabuje vialikich namahańniaŭ. Dastatkova na vokny pastavić kvietku, ale nie lubuju.

Fota: David Trood / Getty Images

Vopytnyja haspadyni śćviardžajuć, što najaŭnaść na padakońniku niekatorych chatnich kvietak dazvolić narmalizavać uzrovień vilhotnaści i pazbavić vokny kandensatu.

Anhlijski plušč

Fota: Kseniya Ovchinnikova / Getty Images

Hetaja niedarahaja i małapatrabavalnaja ŭ dohladzie raślina dobra filtruje pavietra. U vyniku ŭ kvatery źnižajecca ŭzrovień vilhotnaści. Prysutnaść u pamiaškańni anhlijskaha plušču jašče i karysnaja dla alerhikaŭ, bo jon ačyščaje pavietra ad taksinaŭ. A voś dla chatnich žyvioł plušč moža być niebiaśpiečnym. Tamu trymajcie raślinu dalej ad svaich hadavancaŭ.

Chłarafitum

Fota: Massimiliano Finzi / Getty Images

Chłarafitum, ci, jak jaho jašče nazyvajuć, «pavuk» — vielmi niepatrabavalnaja raślina i da taho ž vielmi žyvučaja. Navat kali vy zabudziecie jaho palić, to jon vyžyvie. Hetaja kvietka zabiare vilhać z pavietra i paśpiachova jaho ačyścić ad pyłu. Taksama rekamiendujecca raźmiaščać chłarafitum na kuchni, dzie jość hazavaja plita. Jon zabiare škodnyja rečyvy, jakija ŭtvarajucca ŭ vyniku hareńnia hazu.

Cieščyn jazyk

Fota: Penpak Ngamsathain / Getty Images

Vopytnyja kvietkavody śćviardžajuć, što palivać cieščyn jazyk (ci sansievijeryju) možna raz na miesiac. Da taho ž kvietka nie patrabuje nijakich dadatkovych padkormak. Jak i inšyja raśliny, cieščyn jazyk zabiare liški vilhaci z akna, a taksama spory ćvili. Jak i plušč, raślina niebiaśpiečnaja dla chatnich žyvioł.

Niefralepis

Fota: Andres Ramos / vecteezy.com

Niefralepis, ci chatni paparatnik, lubić vilhać i z pośpiecham zabiare jaje z akna i pavietra. Akramia hetaha jon ačyścić pavietra ad farmaldehidaŭ, jakija mohuć nazapašvacca ŭ roznych pradmietach u kvatery.

Spacifiłum

Fota: Elena Glomazdo / vecteezy.com

Hetaja raślina vydzialajecca pryhožymi biełymi kvietkami, jakija nahadvajuć lilii. Spacifiłum lubić vilhać, ale nie lubić pramych soniečnych promniaŭ. Tamu letam lepš jaho nie stavić na padakońnik. A voś poźniaj vosieńniu i zimoju, pakul dni karotkija, tam kvietcy budzie kamfortna. Nu i vokny taksama zastanucca suchimi.

Ałoe

Fota: Yulia Ryabokon / vecteezy.com

Šmat chto viedaje pra lekavyja ŭłaścivaści ałoe i jaje vykarystańnie ŭ kaśmietyčnych metach. Akramia hetaha raślina dobra ŭciahvaje vilhać. I heta nie dziŭna, bo radzima aljasu — tropiki. Ałoe lubić śviatło i nie patrabuje praktyčna nijakaha dohladu akramia palivu raz na niekalki tydniaŭ.

Čytajcie jašče:

Hetyja dźvie raśliny — najlepšyja ačyščalniki pavietra

U Biełarusi nazvali raślinu 2024 hoda

Navukoŭcy patłumačyli, jak raśliny adroźnivajuć čas sutak

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera