Znajści
Ałharytmičny łacinski varyjant
10.11.2023 / 18:544RusŁacBieł

«Za dva dni da taho zvaniŭ bratu». Što zdaryłasia z palitviaźniem, jakoha znajšli miortvym u Ryzie

Cieła 52-hadovaha palitviaźnia było znojdziena sioleta 14 vieraśnia ŭ adnym z parkaŭ Ryhi. Za dva dni da taho jon razmaŭlaŭ pa telefonie z bratam i bolš na suviaź sa svajakami nie vychodziŭ. 27 vieraśnia rodnym patelefanavali ź viciebskaj milicyi i paviedamili pra śmierć Vadzima.

Vadzim Kavaloŭ. Fota: bysol.org

«Svajakam dali kantakty łatvijskaha śledčaha, jaki paviedamiŭ, što śmierć nie mieła kryminalnaha charaktaru, a pryčynaj stała chraničnaje zachvorvańnie, taksama dali kantakty palicejskaha ŭčastka, dzie zachoŭvajucca jahonyja asabistyja rečy. Cieła pamierłaha, pakul išło śledstva, zachoŭvali ŭ morhu.

Svajaki vyrašyli, što pachavać Vadzima treba na radzimie. Usie nieabchodnyja dziejańni pa dastaŭcy cieła ŭ Biełaruś i padrychtoŭcy da pachavańnia ŭziała na siabie łatyšskaja firma Angel, rachunak za pasłuhi składaje 2 500 jeŭra. Firma pajšła nasustrač svajakam — dazvoliła apłacić rachunak užo paśla ŭsich rytualnych dziejańniaŭ. Fond BYSOL abviaściŭ zbor na pakryćcio vydatkaŭ na repatryacyju», — raspavioŭ viciebski pravaabaronca Pavieł Levinaŭ.

Papiaredniaja viersija pryčyny śmierci — pankreatyt.

Vadzim Kavaloŭ byŭ asudžany pavodle artykuła 370 Kryminalnaha kodeksa (ździek ź dziaržaŭnych simvałaŭ) za toje, što sarvaŭ i kinuŭ pad nohi aficyjny biełaruski ściah. 9 červienia 2022 hoda sudździa Kastryčnickaha rajona Viciebska Illa Biełavus daŭ mužčynu dva hady «chatniaj chimii». Ale hetaje rašeńnie asprečyła prakuratura i novy vyrak akazaŭsia bolš žorstkim: paŭtara hoda kałonii.

26 žniŭnia 2022 hoda Ministerstva ŭnutranych spraŭ uniesła proźvišča Kavalova ŭ śpis hramadzian, datyčnych da ekstremisckaj dziejnaści.

Mužčyna vyrašyŭ terminova vyjechać ź Biełarusi, i letaś u listapadzie apynuŭsia ŭ Łatvii, dzie atrymaŭ status uciekača. U Biełarusi Vadzim Kavaloŭ pracavaŭ dalnabojščykam i chacieŭ znajści takuju samuju pracu ŭ zamiežžy. Jakraz na 14 vieraśnia jamu byŭ pryznačany ekzamien dla atrymańnia pravoŭ kiroŭcy.

Pachavajuć mužčynu zaŭtra ŭ Oršy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
3
Ого
0
Сумна
75
Абуральна
7
0
Z Łatvii/adkazać/
10.11.2023
Maje spačuvańni rodnym i blizkim niabožčyka. Źviartajusia da redaktara. Vypraŭcie, kali łaska, łatvijski śledčy, łatvijskaja firma. Łatyšskaja mova moža być, naprykład, łatyšskaja narodnaja pieśnia i h.d. Hetak ža, jak roźnica pamiž słovami ruski i rasijski. Łatvijski - naležyć da krainy, łatyšski - da nacyjanalnaści.
1
Krokus/adkazać/
11.11.2023
Viečnaja pamiać hieroju Biełarusi!
3
Žvir/adkazać/
11.11.2023
 Z Łatvii, jak ža š Vy dastali ! Vy moža vučylka ? Biednyja dzieci...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930