Znajści
Ałharytmičny łacinski varyjant
10.11.2023 / 17:5610RusŁacBieł

Unučka Łukašenki vučycca ŭ Rasii na jurfaku MDU. Voś što pra heta viadoma

U 2021 hodzie Alaksandr Łukašenka raskazvaŭ, što jaho ŭnučka «bliskuča» zdała ispyty ŭ maskoŭski ŭniviersitet. Dva hady tamu vyśvietlić, na jaki mienavita fakultet pastupiła dziaŭčyna, tak i nie ŭdałosia. Ciapier «Lusterka» vyvučyła sajt MDU i daviedałasia, što ŭnučka Łukašenki vučycca na trecim kursie jurydyčnaha fakulteta.

Siamja Alaksandra Łukašenki (unučka Anastasija — druhaja sprava). Fota: president.gov.by

Anastasija — siaredniaja dačka Dźmitryja i Hanny Łukašenka (usiaho ŭ sužencaŭ troje dziaciej). Dźmitryj šmat hadoŭ uznačalvaje «Prezidencki spartovy kłub». Maci Anastasii pad psieŭdanimam Hanna Siałuk piša teksty dla patryjatyčnych piesień (siarod jaje «chitoŭ» — treki «Ach, Alaksandr» i «Bulba-dens»).

Anastasija vučyłasia ŭ Licei BDU, ale zabrała dakumienty niezadoŭha da zakančeńnia. U 2021 hodzie dziaŭčyna zdavała Adziny dziaržaŭny ispyt (rasijski anałah biełaruskaha CT) u MDU. Pa ruskaj movie jana nabrała 90 bałaŭ, pa hramadaznaŭstvie — 60. Jaki treci ekzamien byŭ — nieviadoma.

Na sajcie MDU ŭ zahadach ab zaličeńni studentaŭ u 2021 hodzie na ŭsie formy navučańnia Anastasija Łukašenka nie fihuruje. Zatoje imia dziaŭčyny možna znajści na sajcie jurydyčnaha fakulteta MDU. Anastasija Dźmitryjeŭna Łukašenka ličycca ŭ śpisie studentaŭ 3-ha kursa bakałaŭryjata.

A taksama ŭvachodzić u kamandu nastaŭnikaŭ pieršakurśnikaŭ — studentaŭ, jakija dapamahajuć pačatkoŭcam adaptavacca va ŭniviersitecie. Śćviardžajecca, što imi «stanoviacca lepšyja studenty 3-4-ha kursaŭ, jakija prymajuć aktyŭny ŭdzieł u hramadskaj, navukovaj, spartovaj i tvorčaj dziejnaści jurydyčnaha fakulteta i ŭniviersiteta, jakija adroźnivajucca vysokaj kamunikabielnaściu, dobrazyčlivyja i adkrytyja. Akramia taho, jany paśpiachova vučacca — studenty, jakija žadajuć stać nastaŭnikami, nie pavinny mieć pierazdač pa vynikach apošniaj siesii».

Skrynšot videasustrečy nastaŭnikaŭ z udziełam Anastasii jość na sajcie ŭniviersiteta — pa vyjavie možna zrazumieć, što na jurfaku MDU vučycca mienavita ŭnučka Łukašenki, a nie jaje poŭnaja ciozka.

 

Anastasija Łukašenka (u druhim vierchnim radzie druhaja sprava) na videazvanku z kamandaj nastaŭnikaŭ MDU, žnivień 2023 hoda. Fota: sajt jurfaka MDU

Źviestak ab śpiecyjalnaści, na jakoj vučycca ŭnučka Łukašenki, znajści nie ŭdałosia. Zatoje na sajcie jurfaka «Lusterka» vyjaviła infarmacyju ab dvuch mierapryjemstvach, u jakich udzielničała dziaŭčyna.

U śniežni 2021 hoda jana tančyła sa svaim adnahrupnikam Saidam Izarypavym na Zimovym bali i navat vyjšła ŭ finał tancavalnaha konkursu.

 

Anastaisia Łukašenka na bali na jurfaku MDU. Śniežań 2021 hady. Fota: sajt jurfaka MDU

U lutym 2023 hoda jana pryniała ŭdzieł u kancercie, pryśviečanym Dniu rodnaj movy. 

Padčas mierapryjemstva studenty MDU «čytali vieršy na nacyjanalnych movach narodaŭ Rasii i śvietu». Anastasija Łukašenka pad akampaniemient bałałajki pračytała vierš Jakuba Kołasa «Moj rodny kut, jak ty mnie miły!».

 

Nastaśsia Łukašenka (krajniaja źleva) siarod udzielnikaŭ kancerta da Dnia rodnaj movy ŭ MDU, luty 2023 hoda. Fota: sajt jurfaka MDU

Miž tym, siastra Anastasii Darja — bolš miedyjnaja piersona. U minułym hodzie jana viała pieradaču «Hieroi» na «Biełaruś 1». Šou prachodziła pad patranažam «Prezidenckaha spartovaha kłuba», jakim kiruje jaje baćka. Na starcie siezona Darja dała karotkija intervju dziaržaŭnym ŚMI.

Dziaŭčyna raskazała, što vučycca na ekanamičnym fakultecie. Ale nie ŭdakładniła, u jakoj VNU i jakoj krainie. Sioleta stała viadoma, što na «Biełaruś 1» startuje druhi siezon šou «Hieroi» pad nazvaj «Hieroi. Pierazahruzka». Jaho taksama budzie vieści Darja Łukašenka. I znoŭ dziaŭčyna dała intervju dziaržSMI, u jakim raskazała ab niedachopie času na sacsietki i ab spraviadlivaści.

Małodšaja siastra Anastasii i Darji Alaksandra pakul vučycca ŭ škole. Joj 9 hadoŭ.

Usiaho ŭ Alaksandra Łukašenki siamiora ŭnukaŭ. Jaho starejšy syn Viktar razam z žonkaj Lilijaj vychoŭvaje čaćviarych dziaciej: dačok Viktoryju i Valeryju, synoŭ Alaksandra i Jarasłava.

Čytajcie taksama:

Były dypłamat Śluńkin raspavioŭ pra znajomstva ź Mikałajem Łukašenkam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
26
Ха-ха
25
Ого
4
Сумна
1
Абуральна
11
0
mikola/adkazać/
10.11.2023
mikola, / abavjazkova *samazvanec*.....jak tolki Lukasenka znikne.....kali dazyvu....
0
Irena/adkazać/
10.11.2023
Choču dopołniť "Pośpiechi hetaj dziaŭčyny"- ona sdavała russkij jazyk kak inostrannyj pri postuplenii v MHU i nabrała 90 bałłov - OFIHIEŤ!! Riadom BYLI V ŚPISKIE KITAJCY. Samyj łučšij uśpiech u kitajca był 70 bałłov.Na takom fonie možno i KONKURIROVAŤ!!
1
Otdieł kadrov/adkazać/
11.11.2023
Jej boŕboj nado zanimaťsia ili sumo. Takoj tałant propadajet, dojarkoj tožie podojdiot, na istoričieskoj rodinie.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930