Znajści
Ałharytmičny łacinski varyjant
10.11.2023 / 18:3911RusŁacBieł

Upaŭnavažany pa spravach relihij zapiarečyŭ Bondaravaj

Prarasijskaja aktyvistka Volha Bondarava vajuje suprać katalikoŭ — joj nie spadabałasia, što ŭ Viciebskaj jeparchii vyrašyli pravieści mierapryjemstvy z nahody 400-hodździa śmierci katalickaha śviatoha Jazapata Kunceviča, zakatavanaha ŭ Viciebsku.

Volha Bondarava na akcyi kali litoŭskaj ambasady. Fota: staronka Bondaravaj u inastahramie

Bondarava napisała niekalki pastoŭ u svaim telehramie z hetaj nahody, a taksama vysłała danos upaŭnavažanamu pa spravach relihij Alaksandru Rumaku.

Ale niečakana atrymała ad taho admovu.

«Paviedamlajem, što pytańni šanavańnia śviatych i kananizacyi viadomych histaryčnych asob adnosiacca vyklučna da kampietencyi peŭnaj kanfiesii, u dadzienym vypadku katalickaj carkvy.

Pry hetym relihijnyja praktyki roznych kanfiesij zasłuhoŭvajuć pavažlivaha staŭleńnia, niahledziačy na ich raznastajnaść, supiarečlivaść niekatorych histaryčnych padziej u ich uzajemaadnosinach, najaŭnyja adroźnieńni ŭ pohladach viernikaŭ-hramadzian.

U suviazi z hetym prosim nie atajasamlivać učynki asobnych śviataroŭ ź dziejnaściu ŭsioj kanfiesii, nie dapuskać prajaŭ relihijnaj vyklučnaści, niepavažlivaha staŭleńnia da relihijnych pačućciaŭ viernikaŭ inšych kanfiesij, kab paźbiehnuć parušeńnia mižkanfiesijnaha miru i zhody ŭ biełaruskim hramadstvie».

Bondaravu taki adkaz nie supakoiŭ. Jana adrazu napisała jašče adzin list.

Adkaz byŭ jašče bolš łakaničnym. «Adnosna «adkazu nie pa sutnaści i pastanoŭki pytańnia «ab niedapuščeńni praviadzieńnia konkursu i mierapryjemstvaŭ pa prasłaŭleńni I. Kunceviča» infarmujem, što ŭ adpaviednaści z častkaj druhoj artykuła 8 Zakona Respubliki Biełaruś «Ab svabodzie sumleńnia i relihijnych arhanizacyjach «dziaržava nie ŭmiešvajecca ŭ dziejnaść relihijnych arhanizacyj, kali jana nie supiarečyć zakanadaŭstvu Respubliki», — havorycca ŭ liście za podpisam Rumaka. 

Jazapat (Iasafat) Kuncevič — vialikalitoŭski carkoŭny i palityčny dziejač, pryličany da śviatych katalickaj carkvoj (1580—1623). Byŭ prychilnikam uźjadnańnia chryścijan roznych kanfiesij, dabivaŭsia hetaha charakternymi dla taho času hvałtoŭnymi mietadami. Byŭ zabity ŭ Viciebsku pravasłaŭnymi aktyvistami, a jaho cieła kinuli ŭ Dźvinu. Katalickaja carkva abviaściła Kunceviča pakutnikam, a ŭ 1867 hodzie jon byŭ pryličany da śviatych.

Čytajcie taksama:

U Bondaravaj źjaviŭsia niečakany vorah — prapahandyst Prydybajła

Aktyvisty daviedalisia, chto i kali źnios pamiatny znak u honar paŭstańnia 1863 hoda ŭ Hrodnie

«Chtości za joj staić». Čamu čynoŭniki słuchajucca Bondaravu

Što saboj ujaŭlaje i z kaho składajecca sietka rasiejskaha ŭpłyvu ŭ Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
37
Панылы сорам
5
Ха-ха
43
Ого
2
Сумна
1
Абуральна
10
0
Lum/adkazać/
11.11.2023
Upaunavažanamu pa spravam relihij naležyła nakiravać zvarot Bondaravaj ŭ prakuraturu dla razhladu pytańnia ab złačynstvie pa spravam raspalvańnia relihijnaj varožaści.
0
Jazafat/adkazać/
12.11.2023
?, nie zrazumieŭ. Chto tut pucinskaja padła? Z chvoraj hałavy na zdarovuju?
0
niama imia/adkazać/
12.11.2023
NN raspaŭsiudžvaje rasiejskija impierskija naratyvy pra ŭniju. Usie hetyja falsifikacyi pra hvałtoŭnyja mietady Jazafata Kuncžviča daŭno abvierhnuty navukoŭcami.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930