Znajści
Ałharytmičny łacinski varyjant
10.11.2023 / 18:081RusŁacBieł

Litva pieradała Biełarusi rasijanku ŭ ciažkim stanie. Što adbyłosia?

«Žančynu na mašynie chutkaj dapamohi ranicaj advieźli da biełaruskich miedykaŭ i čynoŭnikaŭ».

Litoŭski pamiežny słup. Fota: NurPhoto / Contributor Getty Images

Hazieta The Baltic Times 10 listapada sa spasyłkaj na litoŭskuju pamiežnuju słužbu paviedamiła, što ŭ Biełaruś ź Litvy była pieravieziena rasijskaja hramadzianka ź ciažkim stanam zdaroŭja. Pieradača žančyny adbyłasia siońnia ranicaj ŭ 10:00 pa biełaruskim časie.

«Hramadzianku Rasii 1973 hoda naradžeńnia ŭ ciažkim stanie i ŭ supravadžeńni jaje dački siońnia ranicaj advieźli na pamiežny punkt Miadzininkaj (kala biełaruskaha KPP «Kamienny Łoh»), dzie jaje pieradali biełaruskim miedykam i čynoŭnikam.

Pierad hetym žančyna prachodziła lačeńnie ŭ litoŭskaj klinicy, ale pamiežnaja słužba Litvy aficyjna vyrašyła viarnuć jaje na radzimu i pastanaviła joj pakinuć terytoryju krainy», — piša The Baltic Times sa spasyłkaj na słovy pres-sakratara litoŭskaj pamiežnaj słužby Hiedrusa Misucisa.

Misucis patłumačyŭ, što rasijskaja hramadzianka lačyłasia ŭ Litvie pa humanitarnych pryčynach jašče z 18 kastryčnika. Mienavita tady, pa słovach čynoŭnika, u Vilni z-za pahoršanaha stanu zdaroŭja žančyny byŭ vymušany sieści samalot, jaki vykonvaŭ rejs Antalija — Maskva.

Dazvoł na pryziamleńnie byŭ dadzieny ŭ jakaści vyklučeńnia, bo pavietranym sudam, zarehistravanym u Rasii ci jakija naležać hramadzianam Rasii, nie dazvalajecca vykarystoŭvać pavietranuju prastoru krain Jeŭrapiejskaha sajuza z-za sankcyj suprać Rasii, ale hetaja zabarona nie raspaŭsiudžvajecca na ekstrannyja pasadki ŭ vypadku pahrozy zdaroŭju abo žyćciu pasažyraŭ, adznačyŭ Misucis.

Čytajcie taksama:

Litva paviedamiła pra zatrymańnie niekalkich svaich hramadzian u Biełarusi

Jeŭrasajuz vyznačyŭsia, jak budzie zmahacca ź vialikaj kolkaściu ŭciekačoŭ

Biełaruski hienierał zajaviŭ, što ŭ adkaz na sankcyi Biełaruś maje prava sa zbrojaj «prarubić kalidor» praź Litvu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
1
Ха-ха
1
Ого
6
Сумна
8
Абуральна
4
5
mikola/adkazać/
10.11.2023
Ni spatrebilasja ? Addali....
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930