Znajści
Ałharytmičny łacinski varyjant
10.11.2023 / 15:041RusŁacBieł

Dobrušski deputat atrymaŭ termin za hibiel dvuch mužčyn. Ciapier jon sprabuje dakazać svaju nievinavataść

U Homielskim abłasnym sudzie razhladajecca skarha na prysud staršyni Nasovickaha sielvykankama Dobrušskaha rajona. Siarhiej Bičukoŭ byŭ pryznany vinavatym u chałatnaści, što paciahnuła hibiel dvuch čałaviek. U vieraśni sud Dobrušskaha rajona pakaraŭ jaho dvuma hadami kałonii-pasialeńnia, piša «Fłahštok».

U vioscy Antonaŭka ŭ śniežni minułaha hoda ŭ zakinuty šachtavy kałodziež z vadoj, nakryty listami šyfieru, upali dvoje mužčyn. Jany atrymali ciažkija traŭmy, ad jakich pamierli. Staršyni sielvykankama, u jurysdykcyi jakoha znachodziŭsia kałodziež, vystavili abvinavačvańnie ŭ słužbovaj chałatnaści. Paśla sud pryznaŭ Bičukova vinavatym u nienaležnym vykanańni słužbovaj asobaj svaich słužbovych abaviazkaŭ.

Akramia terminu, sud abaviazaŭ jaho vypłacić na karyść žonki adnaho z zahinułych materyjalnuju kampiensacyju ŭ 20 tysiač rubloŭ.

Staršynia sielvykankama vinu nie pryznaŭ i padaŭ skarhu na prysud. Zaraz spravu razhladaje Siarhiej Sałoŭski — sudździa, viadomy vyniasieńniem žorstkich palityčnych prysudaŭ, u tym liku ŭdzielnikam rahačoŭskaj hrupy Tor Band.

Miarkujučy pa infarmacyi na sajcie Dobrušskaha rajvykankama, Bičukoŭ zvolnieny z pasady staršyni sielvykankama, adnak jaho miesca pakul zastajecca vakantnym. Nasovicki sielvykankam — adziny ŭ rajonie, jaki nie maje kiraŭnika.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
1
Ха-ха
0
Ого
5
Сумна
1
Абуральна
0
0
Vania Minsk/adkazać/
10.11.2023
Kakije žie vsie načalniki murłatyje i izvortlivyje. Žiełaju sidieť jemu v tiuŕmie.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930