Znajści
Ałharytmičny łacinski varyjant
05.11.2023 / 19:233RusŁacBieł

Jak źmianilisia patrabavańni da zdaroŭja pryzyŭnikoŭ

Z 24 kastryčnika maładych ludziej pačali adpraŭlać na terminovuju vajennuju słužbu i słužbu ŭ reziervie. Pra toje, jaki dyjahnaz ciapier pieraškoda armii, a jaki nie, ahienctvu «Minsk-Naviny» raspavioŭ doktar — kiraŭnik pracy daktaroŭ-śpiecyjalistaŭ u vajenkamacie Kastryčnickaha rajona Minska Alaksandr Vałošyn.

Doktar Alaksandr Vałošyn, jaki kiruje pracaj daktaroŭ-śpiecyjalistaŭ u vajenkamacie Kastryčnickaha rajona Minska. Fota: «Minsk-Naviny»

Pryvodzim asnoŭnaje.

Dla ŭkamplektavańnia Uzbrojenych Sił, inšych vojskaŭ i voinskich farmiravańniaŭ pryzvali kala 10 tysiač čałaviek, u tym liku bolš za 2 tysiačy minčukoŭ. Usie jany raniej prajšli miedycynski ahlad u vajennych kamisaryjatach. Dabro na adpraŭku ŭ vojska atrymali i tyja, chto jašče letaś ličylisia nie prydatnymi da strajavoj słužby (bo byli źmienieny patrabavańni da stanu zdaroŭja pryzyŭnikoŭ).

«Miedycynskaja kamisija dziejničaje na bazie vajennaha kamisaryjata rajona, — adznačaje Vałošyn. — U skład uvachodziać vosiem lekaraŭ-śpiecyjalistaŭ: psichijatr, terapieŭt, chirurh, nieŭrołah, stamatołah, dermatavienierołah, aftalmołah, otarynałarynhołah».

«Cikavimsia ŭ chłopcaŭ, ci jość skarhi na zdaroŭje. Naprykład, pry skurnych zachvorvańniach nakiroŭvajem na dadatkovaje abśledavańnie ŭ haradski skurviendyspansier. Pry čerapna-mazhavoj traŭmie pryznačajem nieŭrałahičnaje abśledavańnie ŭ balnicy, pryčym u stacyjanary, — praciahvaje Vałošyn. —

Naša kamisija vynosić zaklučeńnie ab tym, prydatny ci nie pryzyŭnik da vajskovaj słužby, kali prydatny, to ŭ jakich vojskach i ź jakimi abmiežavańniami. Dapuścim, małady čałaviek vysokaha rostu nie moža być tankistam, a chłopcam z płoskastupniovaściu procipakazanaja słužba ŭ siłach śpiecyjalnych apieracyj. Asobnaja tema — stan zroku pryzyŭnikoŭ. My nazirajem siońnia sapraŭdnuju epidemiju blizarukaści. Pryčym nie tolki ŭ našaj krainie — va ŭsim śviecie».

Akramia blizarukaści u pryzyŭnikoŭ nazirajuć taksama masavuju harbataść, skryŭleńnie chrybta. Heta ličać nastupstvami małaruchomaha ładu žyćcia.

Na što čaściej za ŭsio skardziacca pryzyŭniki? Siarod zaŭvah — prablemy ź sielazionkaj, straŭnikam, sercam.

«80 % chłopcaŭ skardziacca na boli ŭ śpinie. Tady pačynajem vyśviatlać pryčyny.

U bolšaści vypadkaŭ skalijatyčnyja i kifoznyja źmieny ŭ pazvanočniku nie stanoviacca pieraškodaj na šlachu ŭ vojska. Što tyčycca sardečna-sasudzistaj sistemy, kali raniej z małymi anamalijami ŭ sercy, da prykładu, prałaps mitralnaha kłapana, pryzyŭniki pryznavalisia nie prydatnymi da vajennaj słužby, to zaraz heta nie źjaŭlajecca pieraškodaj.

Bo jany, jak praviła, klinična ničym nie prajaŭlajucca. Kali nie było ŭltrahukavoha daśledavańnia, ludzi navat u kosmas lotali z małymi anamalijami serca.

Nie prydatnymi da słužby pryznajucca pryzyŭniki ź blizarukaściu vysokich stupieniaŭ. Nie biaruć u vojska i z treciaj stupieńniu atłuścieńnia».

Raniej astmatyki pryznavalisia nie prydatnymi da vajskovaj słužby. Ciapier pry dyjahnazie «branchijalnaja astma», kali prystupy adsutničajuć na praciahu piaci hadoŭ, chłopiec pryznajecca prydatnym da vajennaj słužby z abmiežavańniami.

Čytajcie taksama:

Chłopca, jaki zamiest taho, kab iści ŭ armiju, padaŭsia ŭ madeli ŭ Karei, vyrašyli stroha nie karać

Minabarony papiaredziła biełarusaŭ pra «administracyjku» za niapravilna padadzieny numar telefona

Pozva pa SMS — jurysty tłumačać, što chočuć źmianić u zakonie. Jość važnyja momanty

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
3
Ого
1
Сумна
2
Абуральна
29
0
Aha/adkazać/
05.11.2023
Voś i vyleźli vyniki miedycyny ŭ paliklinikach dla nasielnictva.
0
Tekla/adkazać/
05.11.2023
Biaruć praktyčna ŭsich. Pryzvali chłopca, jaki pieranios infarkt miakarda
0
anatam /adkazać/
05.11.2023
Vołošin, prihotovsia!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930