Znajści
Ałharytmičny łacinski varyjant
03.11.2023 / 19:41RusŁacBieł

Kałumbija choča sterylizavać «kakainavych biehiemotaŭ», jakija razmnažajucca što durnyja

Narkabaron Pabła Eskabar pakinuŭ paśla siabie niepryjemnuju spadčynu ŭ vyhladzie nilskich biehiemotaŭ. Dastaŭlenyja kaliści čatyry žyvioły za dziesiacihodździ stvaryli vializnuju papulacyju, jakaja pahražaje ekasistemie. Ułady zadumalisia, jak zrabić, kab hetyja hipapatamy nie tak šustra pładzilisia. Ale sterylizavać biehiemotaŭ — taja jašče rabota.

Biehiemotaŭ u Kałumbii pryznali invaziŭnym vidam. Fota: Getty Images

Pabła Eskabar stvaryŭ sumna viadomy medeljinski narkakartel i staŭ adnym z samych bahatych ludziej u śviecie. Aproč inšaha, u jaho byŭ pryvatny zaapark ź biehiemotami, fłaminha, žyrafami, ziebrami i kienhuru.

U pačatku 1980-ch Eskabar zavioz u jaho čatyroch afrykanskich biehiemotaŭ. U 1993 hodzie narkabarona zastreliła palicyja, paśla čaho ŭsich žyvioł pradali ŭ zaaparki, akramia biehiemotaŭ. Ich adpuścili ŭ pryrodu. I ciapier u race Rya-Mahdalena i jaje prytokach naličvajecca bolš za 160 hetych žyviołaŭ. Heta najbolšaja papulacyja biehiemotaŭ pa-za miežami Afryki. Daśledavańni pakazali, što za dziesiać hadoŭ kałonija moža pavialičycca jašče ŭ čatyry razy.

Biehiemoty, jakich achryścili «kakainavymi» ŭ pamiać ab narkabaronie, nie majuć naturalnych vorahaŭ u Kałumbii i vyciaśniajuć miascovyja vidy. Jany taksama zabrudžvajuć vadu svaimi ekskremientami, jakija źmiaščajuć bakteryi i parazity. Akramia taho, hetyja žyvioły byvajuć ahresiŭnymi i napadajuć na ludziej, jakija žyvuć ci pracujuć pablizu raki.

U pačatku 2022 hoda biehiemoty byli ŭniesieny ŭ śpis tak zvanych invaziŭnych vidaŭ krainy. Ułady zadumalisia, jak zrabić, kab hetyja hipapatamy nie tak šustra pładzilisia.

Na hetym tydni ŭrad Kałumbii abviaściŭ, što praviadzie sterylizacyju žyvioł. I heta tolki adna z troch mier, jakija zapłanavała Ministerstva navakolnaha asiarodździa ŭ ramkach płana pa kiravańni i kantroli nad biehiemotami.

U ministerstvie zajavili, što sterylizacyja — «składany i darahi praces». Akramia hetaha «isnuje ryzyka taho, što žyvioły pamruć, što ŭ ich uźniknie alerhičnaja reakcyja na aniesteziju abo piersanał na miescy akažacca pad pahrozaj».

Sterylizacyja žyvioły kaštuje ŭ siarednim 40 miljonaŭ piesa (kala 9000 jeŭra). Jaje płanujecca pačać na nastupnym tydni. Urad choča da kanca hoda sterylizavać 20 žyvioł. Paśla hetaha kolkaść pavinna pavialičycca da 40 za hod.

Akramia sterylizacyi buduć razhledžany mahčymaści pierasialeńnia žyvioł u inšyja krainy, takija jak Mieksika, Indyja, Batsvana, Ekvador i Filipiny, jakija prajavili cikavaść da hetych žyvioł, abo navat eŭtanazija.

Čytajcie jašče:

U Aŭstralii prapanavali adstrelvać kienhuru, kab jany nie pamirali ad hoładu

Prezident Kałumbii zaklikaŭ lehalizavać kakain va ŭsim śviecie

Biehiemoty vyratavali antyłopu hnu ad krakadziłaŭ VIDEA

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
6
Ха-ха
3
Ого
15
Сумна
15
Абуральна
4
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930