Znajści
Ałharytmičny łacinski varyjant
03.11.2023 / 16:00RusŁacBieł

Na zachadzie Jeŭropy lutuje štorm «Sijaran». Zahinuli ŭžo 12 čałaviek

Na paŭnočna-zachodnim uźbiarežžy Francyi fiksavali viecier chutkaściu 207 km/h, štorm taksama abrynuŭsia na poŭdzień Anhlii, Bielhii, Niderłandaŭ i Niamieččyny, a taksama na atłantyčnaje ŭźbiarežža Ispanii i Partuhalii.

Na paŭdniovym uźbiarežžy Anhlii fiksavali viecier da 180 km/h. Fota: Kin Cheung / AP

Štorm taksama vyklikaŭ pavodki ŭ Italii, ad jakich, u pryvatnaści, paciarpieŭ italjanski rehijon Taskana. Tam zahinuli prynamsi piać čałaviek, a jašče niekalkich ličać źnikłymi bieź viestak, piša Bi-bi-si.

U vyniku pavodki na race Biziencya zatapiła vulicy, pazmyvała aŭtamabili, a ludzi byli vymušanyja chavacca ad vady na dachach damoŭ. Taksama zatapiła čatyry balnicy.

Štorm dasiahnuŭ Taskany ŭ noč na čaćvier, i hubiernatar rehijona Eŭdženia Džani abviaściŭ nadzvyčajnaje stanovišča, bo viecier dasiahaŭ 140 km/h.

Siarod najbolš paciarpiełych rajonaŭ — Livorna na ŭźbiarežžy i harady Prata i Mantemurła niedaloka ad Fłarencyi.

Na pieršym paviersie adnaho z zatoplenych damoŭ znajšli miortvym 85-hadovaha mužčynu. Ratavalniki ličać, što jon nie zmoh padniacca pa leśvicy ŭ biaśpiečnaje miesca.

Hubiernatar Taskany apublikavaŭ videa, na jakim bačna, jak pavodka znosić mašyny, i zaklikaŭ ludziej uźbiracca na vierchnija pavierchi. Jon nazvaŭ apadki «biesprecedentnymi za apošnija 100 hadoŭ».

Čyrvony ŭzrovień mietearałahičnaj pahrozy taksama abviaścili ŭ Słavienii i Charvatyi. Sinoptyki papiaredzili ab mocnych viatrach, hradzie i navalnicach, a ŭłady Słavienii zajavili ab adnym z najmacniejšych cykłonaŭ za apošnija 10 hadoŭ.

U bielhijskim Hiencie zahinuli 64-hadovaja niemka i piacihadovy ŭkrainski chłopčyk. Jon i jašče adno trochhadovaje dzicia byli na placoŭcy, kali padčas štormu na ich upali halinki dreŭ.

Chłopčyk paśla pamior u balnicy, inšaje dzicia atrymała lohkija traŭmy, jakija nie pahražajuć jaho žyćciu.

Čytajcie taksama:

Daždžy, paryvisty viecier, ale adnosna ciopła

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
0
Ого
2
Сумна
10
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930