Znajści
Ałharytmičny łacinski varyjant
03.11.2023 / 15:193RusŁacBieł

Łukašenka zajaviŭ, što ŭpeŭnieny ŭ adnaŭleńni adnosin ź Litvoj i Polščaj

Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu.

Fota: president.gov.by

Adnosiny Biełarusi z susiednimi Litvoj i Polščaj niesumnienna buduć adnoŭlenyja ŭ budučyni. Pra heta Alaksandr Łukašenka zajaviŭ na sustrečy z pracoŭnym kalektyvam BiełAES, piša BiełTA.

«Asnoŭny pryncyp — susiedzi nie mohuć žyć drenna, jany ad boha, ich nie vybirajuć. Byvaje roznahałośsie, svarki, heta minučaje», — skazaŭ jon.

Paviedamlajecca, što Łukašenka vykazaŭ upeŭnienaść, što pryjduć časy, kali adnosiny buduć adnoŭleny.

Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu. U minułuju piatnicu jon pachvaliŭ palakaŭ za toje, što jany prahałasavali za apazicyju na vybarach, pavinšavaŭ narody Aŭstryi i Čechii, zajaviŭšy: «niaprostyja časy projduć, i my z patrojenaj siłaj adnovim uzajemadziejańnie». Padčas vizitu ŭ Minsk kiraŭnika MZS Vienhryi Pietera Sijarta jon nazvaŭ siabie «zaŭziatym prychilnikam zachavańnia ES».

Razam z tym siońnia Śledčy kamitet zajaviŭ, što ŭ dačynieńni da słužbovych asob Łatvii zaviedzienyja kryminalnyja spravy za śmierć na miažy mihrantaŭ.

«Najmity ŭ formie na łatvijskaj miažy vyznačylisia svajoj asablivaj žorstkaściu i aźviareńniem u adnosinach da mihrantaŭ, jakija sprabujuć trapić u krainy Jeŭrasajuza praz Prybałtyku. U parušeńnie patrabavańniaŭ mižnarodnych dahavoraŭ (…) paśladoŭniki jeŭrafašyzmu na sistemnaj asnovie ažyćciaŭlajuć niezakonnuju departacyju, akty žorstkaści i hvałtu, uzbrojenaje vyciaśnieńnie, katavańni i ździeki ŭ dačynieńni da inšaziemcaŭ. Niekatoryja achviary pamirajuć u sprobach pierasiačy miažu, a ich cieły vykidvajuć za płot karnyja bataljony Jeŭrasajuza», — zajaviŭ SK.

Adnačasova ŭ dziaržaŭnych ŚMI Biełarusi i ŭ kanałach, źviazanych ź siłavymi strukturami, praciahvajecca raspalvańnie varožaści da Ukrainy, Polščy, Litvy, Łatvii i krain Zachadu ŭ cełym. Ažyćciaŭlajucca i dziejańni, nakiravanyja na škodu krainam Zachadu i ich intaresam, u pryvatnaści, iduć pravakacyi na miažy z udziełam nielehalnych mihrantaŭ.

Čytajcie taksama:

Łukašenka skazaŭ, što jon zaŭziaty prychilnik ES

Kiraŭnik MZS Vienhryi: My zaŭsiody budziem zachoŭvać kanały kamunikacyi ź Biełaruśsiu

Łukašenka namiaknuŭ, što hatovy havaryć z palakami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
6
Ха-ха
23
Ого
0
Сумна
0
Абуральна
6
3
Vasia/adkazać/
03.11.2023
Prošłoje nie vorotitsia, I nie pomožiet śleza, Pociełovať mnie chočietsia tioŝi tvojej hłaza.
1
EMIL/adkazać/
03.11.2023
Kohda ludojeda nie staniet, srazu vsie otnošienija i vosstanoviatsia!
0
Piša/adkazać/
03.11.2023
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930