Znajści
Ałharytmičny łacinski varyjant
03.11.2023 / 14:35RusŁacBieł

Žury abviaściła karotki śpis sioletniaj premii «Debiut»

Premiju sioleta ŭručać u dźviuch naminacyjach, paviedamlaje bellit.info.

Na premiju za najlepšuju debiutnuju knihu prozy pretendujuć:

  • Kanstancin Kasiak. Samaizalacyja. — Elektronnaja kniha, 2022.
  • Taćciana Karytka. Čamu ŭsio tak? — Vydaviectva «Knihazbor», 2020.
  • Antoś Ułasienka. Novaja ziamla: Kukanija. — «Izdatielskije riešienija», 2021.

Na premiju za najlepšy mastacki pierakład naminujucca:

  • Alena Karp za pierakład z francuzskaj movy knihi Maržan Satrapi «Piersiepolis». — Vydaviectva «Januškievič» («Pflaŭmbaŭm»), Minsk, 2022.
  • Jaŭhien Papakul za pierakład sa staražytnaisłandskaj movy «Edy Snory Sturłusana». — Vydaviectva «Halijafy», Minsk, 2021.
  • Andrej Strocaŭ za pierakład z anhlijskaj movy knihi Kłajva Stejpłza Ljuisa. Chroniki Narnii: Prync Kaśpijan. − Vydaviectva «Pazityŭ-centr», Minsk, 2022.

Premiju «Debiut» u halinie paezii za 2021-2022 hady vyrašana nie ŭručać.

U konkursie ŭdzielničajuć debiutnyja mastackija knihi, napisanyja ci pierakładzienyja na biełaruskuju movu i vydadzienyja ŭpieršyniu ŭ papiarovym abo elektronnym vyhladzie ŭ 2021 i 2022 hadach.

U skład žury premii ŭvajšło piaciora siabraŭ: litaraturaznaŭca Uljana Vieryna; piśmieńnica Śviatłana Kurs; paet i pierakładčyk Uładzimir Lankievič; paet, pierakładčyk, vykładčyk litaratury Andrej Chadanovič; paetka i pierakładčyca Julija Cimafiejeva.

Litaraturnaja premija «Debiut» imia Maksima Bahdanoviča była zasnavana ŭ 2010 hodzie pry padtrymcy Biełaruskaha PEN-centra, Sajuza biełaruskich piśmieńnikaŭ i dabračynnaha Fondu «Viartańnie». Jana ŭručajecca ŭ naminacyjach «Paezija», «Proza», «Mastacki pierakład» za najlepšyja debiutnyja knihi, vydadzienyja pa-biełarusku. Sioleta suarhanizatarami premii vystupajuć Bellvory Stiftung (Switzerland), Biełaruski PEN i Mižnarodny sajuz biełaruskich piśmieńnikaŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930