Znajści
Ałharytmičny łacinski varyjant
26.10.2023 / 22:14RusŁacBieł

Tinder Matchmaker zrobić spatkańni kamandnym vidam sportu

Tinder dazvolić vašaj siamji pahulać u virtualnych svatoŭ.

Vyjava: Tinder

Tinder zapuskaje novuju funkcyju pad nazvaj Tinder Matchmaker, jakaja dazvolić siamji i siabram karystalnikaŭ atrymlivać dostup da prahramy dla znajomstvaŭ i davać rekamiendacyi dla patencyjnych supadzieńniaŭ (nahadajem, što ŭ prahramie mahčymaść pramoj pierapiski z čałaviekam, jaki vam spadabaŭsia, razbłakujecca tolki tady, kali hety čałaviek taksama pastavić vam padabajku — to-bok adbudziecca supadzieńnie). 

Što cikava: svatam nie treba być zarehistravanymi i mieć profil u Tinder, kab prahladać abo prapanoŭvać vam patencyjnuju druhuju pałavinku. Heta aznačaje, što chto zaŭhodna — ad vašaj babuli da vašaha byłoha chłopca — moža dapamahčy vam vybrać novy profil dla supadzieńnia.

Karystalniku Tinder treba budzie zapuścić «sieans Tinder Matchmaker» niepasredna sa svajoj kartki profilu abo ŭ naładach prahramy. Kali vy bačycie patencyjnaha kandydata ci kandydatku, vy možacie padzialicca ŭnikalnaj spasyłkaj z maksimum 15 asobami na praciahu 24 hadzin. Paśla taho jak svat atrymaje spasyłku, jon moža ŭvajści ŭ Tinder abo praciahnuć u jakaści hościa. 

Ale nie chvalujciesia: svaty nie mohuć adpraŭlać paviedamleńni abo stavić padabajku tym ci inšym profilam, kab heta ŭpłyvała na vaš profil. Kali svat «łajknie» niejki profil, to heta źjavicca ŭ jakaści rekamiendacyi dla vas jak dla pieršapačatkovaha karystalnika Tinder. Heta značyć, u vyniku hałoŭny karystalnik sam vyrašaje, padabajecca jamu prapanavany čałaviek ci nie.

«Adzinokija ludzi daŭno prasili svaich siabroŭ dapamahčy znajści dla ich paru ŭ Tinder, a ciapier my spraščajem hety praces z dapamohaj Tinder Matchmaker», — kaža pra novuju funkcyju Mielisa Chobli, hałoŭny dyrektar pa markietynhu Tinder.

Darečy, u prahramie dla pošuku pary Bumble ŭžo jość padobnaja prapanova, dzie karystalnik moža rekamiendavać profil siabru praz pryvatnuju spasyłku, raspaviadaje Engaget. Adnak hetaja funkcyja bolš prystasavanaja dla abmienu sam-nasam u paraŭnańni z Tinder Matchmaker.

Hinge, inšaja mabilnaja prahrama dla znajomstvaŭ, jašče ŭ 2017 hodzie sprabavała zapuścić asobnuju prahramu Hinge Matchmaker, u jakoj svaty pavinny byli prapanoŭvać patencyjnych partnioraŭ na asnovie asabistych siabroŭ z Facebook. Hetaja druhasnaja prahrama nie pratrymałasia ŭ Hinge, ciapier hetaja apka bolš niedastupnaja.

Funkcyja «svatoŭ Tinder» — heta tolki apošniaja prapanova ad kampanii, stvoranaja dla taho, kab zaachvocić bolš karystalnikaŭ da ŭzajemadziejańnia z prahramaj pa-novamu. Da hetaha Tinder zrabiŭ vieryfikacyju z dapamohaj z sełfi-videa (kab patencyjnyja partniory mahli dakazać, što jany sapraŭdnyja ludzi); a taksama režym inkohnita narešcie byŭ uviedzieny ŭ pačatku hetaha hoda (u im tolki ludzi, jakija vam padabajucca, pabačać vas u svaich rekamiendacyjach).

Da taho ž kampanija niadaŭna pačała dazvalać karystalnikam vyznačać hiendarnyja zajmieńniki i typy adnosin, aryjentujučysia vidavočna na pakaleńnie Z ź jaho inakšymi pohladami na spatkańni i poł. Tak, zaraz vy možacie paznačyć, šukajecie vy manahamnyja abo niemanahamnyja adnosiny (ci ŭsio jašče vyśviatlajecie heta), i pieraličyć rodavyja zajmieńniki, jakimi vam chočacca, kab vas nazyvali. Abiedźvie novyja funkcyi zapazyčanyja ŭ Hinge. 

Čytajcie taksama:

«Nie łajkaju mužčyn z hołym torsam». Biełaruski raskazali, pa jakich kryteryjach vybirajuć chłopcaŭ u Tinder

«Partnioraŭ niejrasietka padbiraje cynična». Ale voś jak sajt znajomstvaŭ Hot Chat 3000 acaniŭ Kalinoŭskaha

Tinder pierastaŭ pracavać u Rasii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
2
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930