Znajści
Ałharytmičny łacinski varyjant
30.11.2023 / 18:111RusŁacBieł

Afiša, servisy, biełaruski jutub — dziesiać karysnych servisaŭ prahramy «Novaja Biełaruś»

Chutka hod, jak pracuje mabilnaja prahrama «Novaja Biełaruś», stvaralnik jakoj — adzin z samych viadomych biełaruskich ajcišnikaŭ Pavieł Libier. Za hety čas prahrama papoŭniłasia mnostvam karysnych servisaŭ. Raskazvajem pra ich (kali vy žyviacie ŭ Biełarusi, vaźmicie pad uvahu, što łukašenkaŭcy pryznali prahramu «ekstremisckaj»).

Krynica: videa «Što takoje Novaja Biełaruś?»

Nie prapuścić kancert lubimaha muzyki

Jak daviedacca pra kancerty ŭ vašym horadzie, kali vy nie sočycie aktyŭna za sietkami ŭsich svaich kumiraŭ ci kali prosta chočacie dobra prabavić čas? 

U raździele z apošnimi padziejami možna znajści kancerty biełaruskich muzykaŭ i kalektyvaŭ, jakija adbuducca ŭ chutkim časie, a taksama infarmacyju pra biełaruskija vystavy, imprezy ci stendap. 

Skarystacca pasłuhami suajčyńnikaŭ

U «Novaj Biełarusi» jość mapa biznesu, dzie vy možacie pabačyć najbližejšyja da vas biełaruskija kampanii. Padbirajcie restaran, aŭtaservis, repietytara, masažysta ci cyrulnika abo nanoście na mapu siabie, kab hurtavać vakoł svajho biznesu biełarusaŭ.

Tak zmožacie i skarystacca patrebnaj pasłuhaj, i padtrymać svaich, a časam i atrymać admysłovuju źnižku.

Adšukać, što pahladzieć i pačytać pra Biełaruś i biełarusaŭ

Kab vy nie prapuścili ničoha važnaha, «Novaja Biełaruś» źbiraje ŭ adnym miescy apošnija videa z papularnych biełaruskich jutub-kanałaŭ. Pobač z hetaj stužkaj jość asobnaja ŭkładka, dzie sabrana bolš za 200 biełaruskich jutub-prajektaŭ ź linkami i apisańniem. Tamu, kali nie viedajecie, što pahladzieć, tut dakładna niešta dla siabie adšukajecie.

Asobna adznačym, što ŭ prahramie ŭ raździele «Miedyja» jość układka «Hajdy», dzie možna znajści adkazy na pytańni nakont lehalizacyi. Unutry padrabiaznyja instrukcyi dla biełarusaŭ u Litvie, Polščy, Hruzii i Hiermanii nie tolki pra toje, jak atrymać DNŽ, ale i jak adkryć bankaŭski rachunak ci IP, tłumačeńni nakont pytańniaŭ padatkaabkładańnia ci dekłaravańnia miesca žycharstva, zamieny pravoŭ kiroŭcy, infarmacyja pra akazańnie miedycynskich pasłuh, atrymańnie adukacyi dla dziaciej i ŭtrymańnie chatnich hadavancaŭ. 

Atačyć siabie biełarusami

Prahrama dapamoža znajści biełaruskamoŭnyja ekskursii ŭ vašym horadzie, adśviatkavać razam sa svaimi Bahač ci Kupalle, naviedać fajnyja biełaruskija imprezy (u tym liku anłajn), a tam i znajści novyja znajomstvy. Dla hetaha zachodźcie ŭ raździeł «Sustrečy».

Znajści karysny anłajn

Jość i asobny raździeł z anłajn-servisami. Abirajcie, što vam siońnia cikava: hulni i zabavy, vandroŭki, mastactva i litaratura, kulturnyja kaštoŭnaści, uroki rodnaj movy, adukacyjnyja prahramy, zabavy dla dziaciej abo historyja i tradycyi. U hetych rubrykach — vartyja resursy i videa pa temie, a taksama infarmacyja pra cikavyja padziei. 

Prajavić salidarnaść

«Biełarus biełarusu — biełarus» — tak časta apisvajuć našu salidarnaść. Stvaralniki prahramy sabrali ŭ adnym miescy fondy i inicyjatyvy, jakija padtrymlivajuć biełarusaŭ i biełarusak — a heta bolš za 25 arhanizacyj.

Akramia hrašovaj dapamohi, «Novaja Biełaruś» padkaža, jak napisać palitviaźniu, paviedamić pra viadomyja vam fakty represij i vykazać salidarnaść z Ukrainaj.

Kiravać svaimi padatkami

U 2023-m «Novaja Biełaruś» paśpiachova skončyła padatkovy prajekt. Biełarusy Polščy i Litvy mahli pieraličyć asobnym fondam častku svaich štohadovych padatkaŭ i abrać praz publičnyja abmierkavańni, na što hetyja hrošy buduć patračanyja. 

U zbory ŭdzielničała kala 250 čałaviek, atrymałasia sabrać prykładna 20 tysiač jeŭra. Vyjhrali dźvie idei: u Litvie — stvareńnie biełaruskaj biblijateki, u Polščy — anhłamoŭnaha partała pa historyi Biełarusi.

Abodva prajekty ŭžo pieratvarajuć u žyćcio. U 2024-m stvaralniki «Novaj Biełarusi» płanujuć paŭtaryć padatkovy prajekt na šyrejšym uzroŭni, bo ŭžo jość i dośvied, i instrumienty.

Znajści svajho doktara

Jak atrymać kvalifikavanuju miedycynskuju kansultacyju, kali vy ŭ nieznajomaj krainie, nie vałodajecie miascovaj movaj dy jašče, mahčyma, i abmiežavanyja ŭ srodkach? U prahramie vy znojdziecie miedyčny servis Okdoc.me (płatforma «jeZdaroŭje»), praź jaki zmožacie atrymać ananimnuju anłajn-kansultacyju ź miedykami roznych śpiecyjalnaściaŭ. Dla karystalnikaŭ ź Biełarusi płatforma biaspłatnaja.

Adkazy na pytańni pa mientalnym zdaroŭi možna znajści praz płatformu Wemayhelp, jakaja abjadnoŭvaje ekśpiertaŭ u halinach psichałohii, koŭčynhu i cialesna-aryjentavanych praktyk.

Atrymać jurydyčnuju dapamohu

Jurysty, advakaty i pravaabaroncy — z usimi imi možna źviazacca praz servis LegalHub, jaki vy taksama znojdziecie ŭ «Novaj Biełarusi». Svaje pytańni možna zadać ananimna, płacić za dapamohu nie treba. Śpiecyjalisty kansultujuć i pa biełaruskim zakanadaŭstvie, i častkova polskim.

Nie prapuścić novyja mahčymaści 

Ciapier u prahramie testujucca funkcyi ličbavaha pašparta i virtualnaha biuletenia (Digital ID), a na nastupnym etapie stvaralniki «Novaj Biełarusi» abiacajuć zrabić mahčymym ličbavaje hałasavańnie (Digital Voting).

Taksama buduć raźvivać pietycyi i zvarotnuju suviaź — važnyja rečy dla hramadzianskaj supolnaści.

Razam z prajektami Kultmapka i «Dziady» stvaralniki prahramy ładziać kulturny modul — mapu biełaruskich słavutaściaŭ i pachavańniaŭ viadomych biełarusaŭ.

Taksama ŭ dadatku za apošni čas dadałasia funkcyja supolnaści (možna stvaryć na płatformie arhanizacyju luboha typu), moduli dla publičnych abmierkavańniaŭ i hienieracyi idej, modul «mnie cikava», jaki dazvalaje padbirać biełaruskija anłajn-padziei, biznesy i servisy pavodle intaresaŭ.

«Naša Niva» — bastyjon biełaruščyny

PADTRYMAĆ

«Noč paetaŭ» sioleta projdzie ŭ 12 krainach — raskład mierapryjemstvaŭ

Raskazvajem, čamu z Google Docs varta być aściarožnymi — kali vy ich adkryjecie, jany mohuć vas vydać

«Biełaruski starlink» sapraŭdy isnuje. Praŭda, jon nie biełaruski, a franka-italjanski. I nie starlink, a tanny anałah. Voś jak jon pracuje

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
llll/adkazać/
30.11.2023
Napišycie, kali łaska, kudy dasyłać pamyłki. Nie ŭsio pracuje, a kudy paviedamić ja nie razabraŭsia
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera