U Vieniecyi aŭtobus z turystami zvaliŭsia z estakady z vyšyni 10 mietraŭ, začapiŭ elektryčnyja draty i zahareŭsia. Bolš za 20 čałaviek zahinuli
«Apakaliptyčnaja scena, — skazaŭ mer Vieniecyi Łuidžy Bruńjara, jaki abviaściŭ u horadzie žałobu. — Niama słoŭ».
Skrynšot videa
Aŭtobus z mnostvam ludziej raźbiŭsia siońnia ŭviečary na estakadzie Libierta ŭ Miestry (macierykovaja častka Vieniecyi), jon pralacieŭ 10 mietraŭ, apynuŭsia na elektryčnych dratach i zahareŭsia.
Vi sarebbero per ora almeno due morti accertati e una quarantina di feriti nell'incidente del pullman precipitato da un cavalcavia a Mestre. Il tragico bilancio sembra essere destinato a salire Le prime foto tratte da fermi immagini del Tg1 e Tg2 Rai https://t.co/cUObC24Hyfpic.twitter.com/F4AsbA5maJ
Zahinuŭ 21 čałaviek (źviestki prefiektury), niekatoryja byli znojdzienyja abharełymi, 12 atrymali ranieńni, niekatoryja prapali bieź viestak. Siarod paciarpiełych taksama dvoje dziaciej, paviedamlaje unioserda.it.
Aŭtobus arandavaŭ dla svaich haściej kiempinh u Marhiery (municypalitet Vieniecyi).
Padčas pieršapačatkovaj rekanstrukcyi na spusku pa schile złučalnaj darohi prarvaŭsia parapiet — pryčyny vyśviatlajucca.
«Apakaliptyčnaja scena, — skazaŭ mer Vieniecyi Łuidžy Bruńjara, jaki abviaściŭ u horadzie žałobu. — Niama słoŭ».
Bruńjary patelefanavaŭ prezident Italii Sierdžya Matareła i vykazaŭ spačuvańni.
«Šmat zahinułych, zanadta šmat», — heta słovy pažarnaha, jaki na niekalki chvilin pakinuŭ zonu evakuacyi aŭtobusa.
Rajon patruluje palicyja, jakaja nikoha nie puskaje. Prybyło kala piacidziesiaci mašyn chutkaj dapamohi.
