U Nahornym Karabachu zastałasia maksimum tysiača armian
Patok pierasialencaŭ užo amal spyniŭsia. Na miažy z Armienijaj užo niama kałon.
Pustaja centralnaja płošča ŭ Ściepanakiercie 2 kastryčnika. Skrynšot videa Al Jazeera
U Nahornym Karabachu zastałasia maksimum tysiača etničnych armian, paviedamiła misija AAN, jakaja prybyła ŭ rehijon upieršyniu za 30 hadoŭ.
Pa danych Suśvietnaj arhanizacyi achovy zdaroŭja, bolš za 100 tysiač etničnych armian z Nahornaha Karabacha ŭžo źjechali ŭ Armieniju.
Na kadrach telekanała Al Jazeera sa Ściepanakierta bačnaja pustaja centralnaja płošča, zavalenaja śmiećciem, kinutymi dziciačymi vazkami i samakatami.
U AAN kažuć, što nie vyjavili škody cyvilnaj hramadskaj infrastruktury ŭ horadzie. Pry hetym usie kramy ŭ horadzie začynienyja.
Vypadkaŭ hvałtu ŭ dačynieńni da zvyčajnaha nasielnictva paśla spynieńnia ahniu taksama nie zafiksavana. Ale misija «była ździŭlenaja tym, jak raptam miascovaje armianskaje nasielnictva pakinuła svaje damy, i pakutami, jakija heta, vidać, vyklikała».
Patok pierasialencaŭ užo amal spyniŭsia. Na miažy z Armienijaj užo niama kałon.
Čytajcie taksama:
Eks-kiraŭnika Nahornaha Karabacha aryštavali pa abvinavačańni ŭ finansavańni teraryzmu
Što takoje Nahorny Karabach i što armianie z azierbajdžancami tam dzielać
