Znajści
Ałharytmičny łacinski varyjant
03.10.2023 / 07:251RusŁacBieł

U Pakistanie aryštavali šajku, jakaja vyrazała ŭ ludziej nyrki bieź ich viedama. Praviali minimum 328 apieracyj

Jany pradavali nyrki pa 120 tysiač dalaraŭ dla zamiežnikaŭ.

Ilustracyjnaje fota

U Pakistanie aryštavali šajku z vaśmi čałaviek na čale z doktaram, jaki nielehalna vyrazaŭ u ludziej nyrki dla pierasadki bahatym klijentam. Niekatoryja donary, jak kažuć ułady, nie davali zhody na apieracyju, piša Bi-bi-si.

Kiraŭnik urada pakistanskaj pravincyi Piendžab Machsin Nakvi skazaŭ u niadzielu na pres-kanfierencyi, što apieracyi pa vydaleńni nyrki doktar Favad Muchtar pravodziŭ doma, prytym čaściakom biez zhody pacyjentaŭ-donaraŭ.

Pa słovach Nakvi, doktaru ŭ jakaści asistenta pry apieracyjach dapamahaŭ aŭtamiechanik pa prafiesii; jon ža dapamahaŭ zavabić na apieracyju pacyjentaŭ balnic.

Takim čynam jany praviali jak minimum 328 apieracyj, pry hetym jak minimum try donary ŭ vyniku pamierli.

Pa danych śledstva, aryštavanyja pradavali nyrki pa 10 miljonaŭ rupij (120 tysiač dalaraŭ) dla zamiežnych pacyjentaŭ i pa try milijony rupij — dla pakistanskich.

Machsin Nakvi paviedamiŭ, što doktara Muchtara aryštoŭvali ŭžo piać razoŭ, ale jon štoraz pry dapamozie karumpavanych palicejskich zastavaŭsia na voli.

Šajka handlaroŭ nyrkami dziejničała ŭ asnoŭnym u 13-miljonnym Łachory, u horadzie Taksiła niedaloka ad stalicy, Isłamabada, a taksama ŭ pakistanskaj častcy Kašmira.

«Nielehalnych apieracyjnych i transpłantacyj značna bolš. Heta — tyja, pra jakija my majem paćvierdžańnie», — skazaŭ Nakvi.

Handal čałaviečymi orhanami ŭ Pakistanie byŭ zakanadaŭča zabaronieny ŭ 2010 hodzie. Sa spadzievam spynić masavy prodaž orhanaŭ za miažu samimi donarami, daktarami i pasiarednikami, ułady ŭviali žorstkija pakarańni — dziesiać hadoŭ turmy i vielizarnyja štrafy.

Ale heta nie dapamahło: handal orhanami ŭ Pakistanie ź jaho biednym nasielnictvam i karumpavanymi pravaachoŭnymi orhanami pa-raniejšamu kvitnieje.

U studzieni palicyja ŭ Piendžabie nakryła inšuju šajku handlaroŭ orhanami i znajšła ŭ padpolnaj apieracyjnaj źnikłaha 14-hadovaha chłopčyka z užo vydalenaj nyrkaj.

Čytajcie taksama:

Bolš za 50 čałaviek zahinuli ŭ vyniku vybuchu ŭ miačeci Pakistana

U Pakistanie 30 čałaviek zahinuli pry schodzie ciahnika z rejek

Eks-premjera Pakistana asudzili na try hady. U svoj čas jon byŭ kapitanam nacyjanalnaj zbornaj pa krykiecie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
0
Ого
5
Сумна
1
Абуральна
20
4
Arkadij/adkazać/
03.10.2023
Jeśli nie razriešiť lehalnyj rynok orhanov, to vsio to žie samoje prodołžitsia podpolno. Ludi imiejut pravo rasporiažaťsia svoim tiełom
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031