Biełaruski hałkipier kazachstanskaha «Kaśpija» złamaŭ nahu ŭ troch miescach
U Maksima Płotnikava ŭrezaŭsia forvard «Kajrata».
Skrynšot videa momantu
Incydent adbyŭsia padčas matča 24-ha tura čempijanatu Kazachstana. Na 53-j chvilinie forvard Artur Šušanačaŭ u baraćbie za miač žorstka ŭrezaŭsia ŭ biełarusa.
Paśla hulni «Kaśpij» apublikavaŭ zdymak Płotnikava: naha biełarusa złamanaja ŭ troch miescach. Bramniku ŭžo zrabili składanuju apieracyju, jaho čakaje doŭhaje adnaŭleńnie.
Vyzdaraŭleńnia Maksimu «Kaśpij» pažadaŭ na dźviuch movach: pa-kazachsku i pa-biełarusku.
Na momant zdareńnia «Kaśpij» vioŭ u liku 1:0, a paśla zamieny Płotnikava prapuściŭ miač: 1:1.
«Kaśpij» zajmaje apošniaje miesca ŭ turnirnaj tablicy i ŭžo viadoma, što pakinie vyšejšuju lihu.
Darečy, mienavita ŭ Kazachstanie ŭ vyšejšaj lizie samaja vialikaja biełaruskaja dyjaspara: 20 hulcoŭ.
U rasijskaj premjer-lizie, dzie raniej było najbolšaje biełaruskaje pradstaŭnictva, hulaje tolki 10 futbalistaŭ.
Čytajcie taksama:
UEFA razhladaje mahčymaść ukaranieńnia absalutna novaha farmatu jeŭrakubkaŭ
U Francyi 22-hadovy futbalist pahražaŭ skoknuć sa 100-mietrovaj vyšyni
