Va ŭniviersitetach krainy ŭvodziać abaviazkovuju vajskovuju padrychtoŭku
Vyvučać vajskovuju padrychtoŭku ŭsie biełaruskija studenty pačnuć ź vieraśnia 2024 hoda. Pra heta zajaviŭ načalnik vajenna-transpartnaha fakulteta BiełDUT, pałkoŭnik Alaksiej Paddubny.
Načalnik vajenna-transpartnaha fakulteta BiełDUT, pałkoŭnik Alaksiej Paddubny. Skryn videa
Pavodle jaho, ciapier vyznačajecca kolkaść hadzin i ahulnaja prahrama, pa jakoj studenty buduć vyvučać dyscypliny ahulnavajskovaj nakiravanaści.
Paddubny patłumačyŭ, što ŭ Biełarusi armija kampaktnaja, i nie ŭsio nasielnictva prachodzić słužbu va US. Dla taho i isnuje padrychtoŭka dla studentaŭ.
«Vajskovaja padrychtoŭka nieabchodnaja ŭsim studentam, kab kožny mieŭ paniaćcie ab elemientarnych vajskovych navykach. Heta taktyčnaja miedycyna — jak akazać dapamohu sabie i blizkim, elemientarnyja navyki abychodžańnia z chimičnymi atrutnymi rečyvami, umieńnie abychodzicca ź minna-vybuchovymi aharodžami, i viadoma, elemientarnyja navyki ahniavoj padrychtoŭki», — skazaŭ Paddubny na homielskim telebačańni.
