Tramp pajechaŭ u pali i raśpisaŭsia na kambajnie
U chodzie pieradvybarčaj kampanii 45-y prezident ZŠA nanios vizit fiermieram u štacie Ajova. Z anałahičnymi inśpiekcyjami sielskaj haspadarki rehularna jeździć Alaksandr Łukašenka.
Donald Tramp padčas vystupu pierad fiermierami ŭ štacie Ajova. Fota: Charlie Neibergall / AP
Były prezident Donald Tramp zaručyŭsia padtrymkaj fiermieraŭ u niadzielu padčas vizitu va ŭschodniuju Ajovu.
Tramp, jaki zastajecca lidaram u naminacyi ad Respublikanskaj partyi na vybary 2024 hoda, znoŭ raspavioŭ pra svaje suviazi ŭ sielskaj haspadarcy i enierhietycy. Jon asudziŭ prezidenta Džo Bajdena za viadzieńnie «niaspynnaj vajny z amierykanskaj sielskaj haspadarkaj» i nazvaŭ hubiernatara Fłarydy Rona Desancisa, jaho hałoŭnaha supiernika ad Respublikanskaj partyi, «zaklatym voraham amierykanskaha fiermiera».
«Jak vy dumajecie, Džo Bajdenu pryjšło b u hałavu dać vam 28 miljardaŭ dalaraŭ?» — spytaŭ jon, časta spasyłajučysia na svaje taryfnyja vypłaty fiermieram. «Jon nie daŭ by vam i 10 centaŭ».
Tramp pacisnuŭ ruki fiermieram, pavitaŭ ich žonak i pakinuŭ vialiki podpis markieram na kambajnie John Deere.
Fota: Charlie Neibergall / AP
Trump signs a John Deere combine on a farm in southeast Iowa pic.twitter.com/WEs3yxZFfY
«My lubim fiermieraŭ i cenim ich, — skazaŭ jon. — Vy ž nie chacieli b ničoha inšaha, praŭda?».
«Dumajecie, Bajden zdolny zrabić takoje?», — reziumavaŭ Tramp.
Čytajcie taksama:
Sud pryznaŭ Trampa vinavatym u machlarstvie
Kandydat u prezidenty ZŠA Ramasvami bolš nie budzie vykonvać rep Eminiema. Zabaraniŭ sam aŭtar
Donald Tramp pravioŭ biesprecedentny zbor srodkaŭ na prodažy mierču sa svaim turemnym fota
