Zamiežnik vykupiŭ niedabudavany korpus brasłaŭskaj rajbalnicy. Tam budzie pryvatny VIP dom sastarełych
Hety abjekt znachodzicca ŭsiaho za 150 mietraŭ ad malaŭničaha voziera Dryviaty.
Za 530 000 rubloŭ inšaziemiec kupiŭ niedabudavany trochpaviarchovy korpus Brasłaŭskaj centralnaj rajonnaj balnicy, ciapier tam budzie elitny pansijanat dla sastarełych, paviedamlajuć «Narodnyja naviny Viciebska».
Hety abjekt, jaki znachodzicca ŭsiaho za 150 mietraŭ ad malaŭničaha voziera Dryviaty, staŭ samym darahim łotam, pradadzienym kamitetam «Viciebskabłmajomaść» sioleta.
Na bazie trochpaviarchovaha budynka, u jakim pavinien byŭ raźmiaščacca lačebny korpus rajbalnicy, kamiersant płanuje adkryć pansijanat pavyšanaj kamfortnaści dla pažyłych ludziej. Zamiežnik užo maje dośvied realizacyi takich prajektaŭ.
U 2022 hodzie ŭ Brasłavie taksama pradali były tubierkulozny sanatoryj za 630 000 rubloŭ.
