Znajści
Ałharytmičny łacinski varyjant
01.10.2023 / 13:045RusŁacBieł

Błohierka vystaviła ŭ instahramie fota byłoha muža ź niepryjemnym podpisam. Ci parušyła jana zakanadaŭstva?

Čym moža abiarnucca publikacyja čužych fatahrafij u internecie biez zhody tych, chto na ich, i što pahražaje za abrazu čałavieka ŭ siecivie, vyśvietlili «Minsk-Naviny».

 Ilustracyjny zdymak. Fota: vecteezy.com

Jak piša vydańnie, na pryjom da ŭčastkovaha inśpiektara milicyi pryjšoŭ minčanin i raskazaŭ, što jaho byłaja žonka, ź jakoj jon šmat hadoŭ nie razmaŭlaje, vyrašyła stać błohierkaj i raspaviadać u internecie pra siamiejnyja kaštoŭnaści. Jak zaznačaje vydańnie, dośvied u žančyny jość — u jaje treci šlub.

Ahulnyja znajomyja dasłali mužčynu skrynšoty jaje staronki ŭ instahramie, dzie jana raźmiaściła jaho fatahrafii z pastami ab ich sumiesnym žyćci. Mužčyna paprasiŭ vydalić pasty.

U adkaz žančyna vykłała ich pierapisku na ŭsieahulny ahlad i zładziła hałasavańnie siarod padpisantaŭ: vydalać pasty na prośbu byłoha ci nie. Zrazumieŭšy, što vyrašyć prablemu dyjałoham nie atrymajecca, minčuk napisaŭ zajavu ŭ milicyju.

Kali žančynu vyklikali dla tłumačeńniaŭ, jana nie razumieła, što supraćzakonnaha ździejśniła.

U milicyi joj rastłumačyli, što havorka idzie nie ab siamiejnych spravach, a ab niezakonnym raspaŭsiudžvańni piersanalnych danych, za što praduhledžana adkaznaść — jak administracyjnaja, tak i kryminalnaja.

Jak piša vydańnie, hramadzianku abvinavacili ŭ pravaparušeńni, praduhledžanym č. 1 art. 23.7 KaAP («Parušeńnie zakanadaŭstva ab abaronie piersanalnych danych»), sankcyja jakoj — štraf da 50 bazavych vieličyń.

Historyja skončyłasia prymireńniem bakoŭ: błohierka paprasiła prabačeńnia pierad byłym mužam i vydaliła pasty, jakija tyčacca jaho, ź sieciva, a mužčyna nie staŭ nastojvać na pryciahnieńni jaje da adkaznaści.

Čytajcie taksama:

«Čamu ja nie baču taho, što bačyć jon?» Jak budaŭnik staŭ fatohrafam i zafiksavaŭ toje, čaho bolš nikoli nie budzie

«Pieradača infarmacyi pravaachoŭnikam nie źjaŭlajecca parušeńniem bankaŭskaj tajamnicy». Siłaviki atrymajuć supierdostup da płaciažoŭ biełarusaŭ

Telefonnyja machlary raźviali žančynu z Baranavičaŭ na hrošy, a taksama zahadali spalić u duchoŭcy noŭtbuk — «pakarali za palityčnyja pohlady»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Volečka/adkazać/
01.10.2023
Dla amatarak paskandalić na publiku załatyja časy: tvitary-iksy-instahramy-tyktoki
2
://adkazać/
01.10.2023
a voś, kali jažežmaci vykładvajuć foty hołych niemaŭlat ź pisiunami, heta jak nazyvajecca?
4
płot/adkazać/
01.10.2023
:/, žančyna maje prava rasparažacca svaim ciełam jak choča
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera