Znajści
Ałharytmičny łacinski varyjant
01.10.2023 / 12:2410RusŁacBieł

U Słavakii najbolš hałasoŭ nabrali papulisty eks-premjera Fica

Na vybarach u Słavakii, pavodle papiarednich vynikaŭ paśla padliku amal usich hałasoŭ, pieramohu atrymała papulisckaja partyja eks-premjera Robierta Fica.

Robiert Fica prybyvaje ŭ štab-kvateru svajoj partyi, 30 vieraśnia 2023 h. Fota: Darko Bandic / AP Photo

Pa vynikach apracoŭki bolš jak 99% pratakołaŭ, bolš za ŭsio hałasoŭ atrymała Smer-SD («Kirunak — sacyjał-demakratyja») byłoha premjera Robierta Fica — 23%.

Na druhim miescy apynułasia libieralnaja «Prahresiŭnaja Słavakija» Michała Šymiečki z 18%. 

Na trecim miescy — sacyjał-demakratyčnaja partyja «Hołas» eks-premjera Pietera Pielehryni z 15%.

Akramia taho, u parłamient prachodziać kansiervatary, chryścijanskija demakraty, nacyjanalisty i jašče adna libieralnaja partyja. Palityčny łandšaft u Słavaččynie davoli mocna frahmientavany.

Prarasijskija nieafašysty z «Narodnaj partyi «Naša Słavaččyna» Marcina Katleby, jakija raniej byli reprezientavanyja ŭ parłamiencie, na hety raz nie nabrali navat 1% hałasoŭ.

Robiert Fica padčas pieradvybarčaj kampanii kazaŭ, što ŭ vypadku jahonaj pieramohi Słavakija bolš nie pašle Ukrainie «nivodnaha patrona». Fica taksama vystupaŭ suprać ustupleńnia Ukrainy ŭ NATA. Adnak padčas svajho raniejšaha kiravańnia Fica zastavaŭsia ŭ rečyščy ahulnajeŭrapiejskaj palityki.

5 hadoŭ tamu Robiert Fica byŭ vymušany syści ŭ adstaŭku z pasta premjera paśla zabojstva žurnalista Jana Kucyjaka i jahonaj niaviesty. Žurnalist zajmaŭsia rasśledavańniami karupcyi i mahčymymi suviaziami słavackich palitykaŭ jakraz z kirujučaj partyi ź italjanskaj mafijaj.

Tady pa ŭsioj krainie prajšli masavyja akcyi pamiaci, jakija paźniej pieraraśli ŭ masavyja pratesty z patrabavańniem adstaŭki kabinieta ministraŭ.

Novy ŭrad mohuć sfarmiravać partyja Fica, sacyjał-demakraty Pielehryni i nacyjanalisty. Kali heta im nie ŭdasca, to moža ŭźniknuć kaalicyja libierałaŭ, sacyjał-demakrataŭ i kansiervataraŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Common sense /adkazać/
01.10.2023
babrujčanin, u nich druhoj riezon vstuplenija v NATO. Eto im nužna pomoŝ,tak čto oni vsie sdiełali pravilno. Tiem boleje čto oni bližie k rosii čiem kakaja-nibud́ Bielhija ili Francija
2
babrujčanin/adkazać/
01.10.2023
Common sense , Na..vošta mnie ich.riezony ???))) bielhija francyja bolš času pratrymaliś u 2 Śvietavuju??I zaraz kinujiś pa zakramam ledź naskriebli z usiej "naty"
1
Kropka/adkazać/
01.10.2023
"oj, a k o eto sdiełał? aj-jaj-jaj", a vy artykuł choć pračytali ci aby lapnuć? Roźnica ŭ hałasach pamiž partyjami składaje ŭsiaho 5%. Pa-druhoje, vy da słavackaha narodu nie majecie anijakaha dačynieńnia kab kazać ad ich imieni nakont staŭleńnia da mihrantaŭ. Takaja rysa ŭłaściła chłuślivym łukašystam dy pustamielam-papulistam.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031