Znajści
Ałharytmičny łacinski varyjant
01.10.2023 / 16:586RusŁacBieł

U Mahilovie pad novy korpus balnicy vysiekli les, jaki raniej byŭ abvieščany zakaźnikam

Niadaŭna Piačerski lesapark byŭ abvieščany miascovym zakaźnikam, dzie była całkam zabaroniena vysiečka drevaŭ. Ciapier na jaho terytoryi aruduje budaŭničaja technika.

Miesca, dzie raniej byŭ lasny masiŭ. Skrynšot videa

Rolik, jaki pakazvaje maštaby vysiečki lesu kala Mahiloŭskaj dziciačaj balnicy, źjaviŭsia ŭ instahramie. 

Ale tut źviartaje na siabie ŭvahu toj fakt, što hety ŭčastak lesu jašče dva hady tamu byŭ abvieščany častkaj zakaźnika «Piačerski». Rašeńnie, jakoha doŭhi čas dabivalisia miascovyja ekaaktyvisty, było pryniata Mahiloŭskim harvykankamam 2 vieraśnia 2021 hoda. Tady z «metaj zachavańnia kaštoŭnych pryrodnych kompleksaŭ i ŭnikalnych abjektaŭ raślinnaha śvietu Piačerskaha lesaparku» pad achovu było ŭziata 256,3 ha lasnoha masivu.

Piačerski lesapark da ŭparadkavańnia terytoryi Padmikolla byŭ adzinym u horadzie miescam adpačynku mahiloŭcaŭ. Inšyja parki abo nie źjaŭlalisia takimi pa svajoj sutnaści, abo nie byli ŭparadkavanyja.

Naprykład, park imia Horkaha na Zamkavaj hary pa pamierach ciahnie tolki na status skviera, a vialiki park 60-hodździa Vialikaha Kastryčnika ŭ Zadniaproŭi dahetul nie maje nijakich brukavanych darožak, mnohija drevy ž tam nie pryžyvajucca z-za asablivaściej hleby. Praz heta Piačersk adyhryvaje nadzvyčaj važnuju rolu dla abłasnoha centra.

U hranicach novastvoranaha zakaźnika miascovaha značeńnia było zabaroniena paškodžańnie i źniščeńnie drevava-kustarnikavaj raślinnaści, žyvoha nahlebavaha pokryva i lasnoj podściłki, źniaćcie ŭradlivaha słoja hleby.

Schiema zakaźnika «Piačerski» ŭ hranicach 2021 hoda

Ale ŭžo ŭ śniežni 2022 hoda hałoŭny doktar Mahiloŭskaj abłasnoj dziciačaj balnicy Ihar Kasko abviaściŭ pra toje, što pačałosia prajektavańnie novaha korpusa miedycynskaj reabilitacyi. 

Praŭda, nie adznačałasia, dzie mienavita hety korpus budzie raźmieščany. Ale, pakolki prajektavańnie nikoli nie viadziecca ŭ vakuumie, a zaŭsiody pryviazanaje da peŭnaha vydzielenaha ŭčastka, heta aznačaje, što prajektavali korpus na terytoryi, jakaja jašče była pad achovaj, to-bok z parušeńniem zakona.

Całkam niezaŭvažanym było rašeńnie ŭsio taho ž Mahiloŭskaha harvykankama ad 22 červienia 2023 hoda pieraŭtvaryć zakaźnik «u suviazi sa źmienaj jaho hranic i płoščy». Rašeńnie było padpisanaje staršynioj Alaksandram Studnievym.

Zaŭvažyć źmieny ŭ dakumiencie, dzie na niekalki staronak dajecca tekstavaje apisańnie hranic zakaźnika pa hranicach lasnych kvartałach i kaardynatach, było niemahčyma biez paradkovaj źvierki. Schiema novych hranic zakaźnika taksama, mahčyma, što admysłova, da dakumienta nie prykładalisia. 

Častka lesu, jakaja była vyklučana ź miežaŭ zakaźnika i vysiečana.

My znajšli adziny abzac, u jaki byli ŭniesieny źmieny, i supastavili novyja kaardynaty z hranicami sa staroj schiemy. Vyjšła, što byŭ całkam vyklučany kavałak lesu, jakija vychodziŭ da vulicy Białynickaha-Biruli i mikrarajona «Spadarožnik». Mienavita jon ciapier i byŭ całkam vysiečieny. Źviartaje na siabie ŭvahu, što les ź inšaha boku dziciačaj balnicy nie ŭvachodziŭ ad pačatku ŭ miežy zakaźnika, ale dla budaŭnictva byŭ vybrany mienavita les, jaki znachodziŭsia pad achovaj.

Korpus susiedniaj abłasnoj balnicy, jaki pabudavali na miescy balničnaha skviera 

Heta ŭžo nie pieršy vypadak, kali razbudova ŭstanoŭ achovy zdaroŭja ŭ Mahilovie idzie ŭ razrez z normami i zakonam. Litaralna nasuprać ad dziciačaj balnicy znachodzicca Mahiloŭskaja abłasnaja balnica, terytoryja jakoj aktyŭna zabudoŭvajecca. Z 2019 hoda byli pabudavanyja kardyjachirurhičny i kardyjaterapieŭtyčnyja karpusy. Dla ŭźviadzieńnia apošniaha vysiekli balničny skvier.

Balničny skvier abłasnoj balnicy ŭ 2019 hodzie i novy korpus na jaho miescy ŭ 2021. Fota: Google Maps

Zialonaja terytoryja kala abłasnoj balnicy ŭ 2019 hodzie i novaja parkoŭka na jaje miescy ŭ 2021. Fota: Google Maps

Aktyvisty źviartalisia da haradskich uładaŭ i Ministerstva achovy zdaroŭja, źviartajučy ŭvahu, što pavodle normaŭ 55% terytoryi balnic musiać składać zialonyja nasadžeńni, a paśla ŭźviadzieńnia novaha korpusa jana vykonvacca nie budzie. U adkazach źmiaščalisia adpiski sa spasyłkaj na rašeńni hramadskich abmierkavańniaŭ i toje, što pobač, praz aŭtamahistral, raźmieščany Piačerski lesapark. 

9-paviarchovy korpus balnicy chutkaj dapamohi, jaki budujecca ŭ histaryčnym centry horada i sapsuje panaramu horada

Druhi vypadak — znos histaryčnych karpusoŭ na terytoryi balnicy chutkaj dapamohi pa vulicy Botkina pad budaŭnictva 9-paviarchovaha korpusa ekstrannaj chirurhii kardyjacerebravaskularnaj patałohii. Na hetym kiraŭnictva balnicy nie spyniłasia i ŭ 2023 hodzie pačało šukać navukovaha kiraŭnika, kab abhruntavać vyklučeńnie ź Dziaržaŭnaha śpisu historyka-kulturnych kaštoŭnaściej staroj aharodžy.

Budaŭnictva ŭ Mahiloŭskaj vobłaści kuryrujecca na samym vysokim uzroŭni, tamu što mienavita hety rehijon źjaŭlajecca tramplinam amal dla ŭsich ministraŭ architektury i budaŭnictva Biełarusi jak radzima Alaksandra Łukašenki. Heta dazvalaje miascovym uładam ihnaravać ci abychodzić dziejnyja normy i zakanadaŭčyja abmiežavańni.

«Naša Niva» — bastyjon biełaruščyny

PADTRYMAĆ

Čytajcie taksama:

Aktyvisty bjuć tryvohu: rekanstrukcyja kinateatra «Maskva» niezakonnaja

U atmaśfiernym kutku Minska znosiać staruju zabudovu

U Jakucku źniščyli pomnik ssylnym i achviaram represij. Na im byli imiony słavutych biełarusaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
0191/adkazać/
01.10.2023
Normf zakanadaŭstva abychodziać tamu, što Biełaruś zachapiła arhanizavanaja złačynnaja hrupiroŭka.
0
Bobr/adkazać/
01.10.2023
Problema iz palca vysosana: ponimaju strojka była v hłubinie zakaźnika, a tak kakoj-to połuankłav lesa, plus blizosť starych korpusov i ostanovok. V Minskie Lesnoj A100 postroili u zakaźnika komžilje i ničieho. Łučšie bolnica, čiem krytyj maniež, kotoryj kak raz v cientrie parka
0
Piečierskij Leśničij/adkazać/
02.10.2023
daviedka, U odnoho iz takich niedolečiennych, diejstvitielno, kakaja-to miesť niesčastnomu Piečierskomu lesoparku i tamošniej psichuškie, kotoraja jeho privieła v čuvstvo pośle popytki suicida. Kazałoś by, nu prikazał ty konfiskovať iz otdielenija pohraničnych sostojanij svoju miedkartu i uničtožiť jejo, zamioł vsie śledy pozora, tak živi spokojno. No, vidno, pokoj jemu tolko śnitsia :)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera