Znajści
Ałharytmičny łacinski varyjant
30.09.2023 / 15:362RusŁacBieł

MUS Litvy prapanuje pavialičyć termin dziejańnia pašparta zamiežnika dla biełarusaŭ

Ministr Ahnie Biłatajcie ŭchiliłasia ad pramoha adkazu na pytańnie, ci ŭtrymlivaje prajekt źmieny va ŭmovach vydačy pašparta.

Ahnie Biłatajcie. Fota ź jaje instahrama

Ministerstva ŭnutranych spraŭ Litvy ŭ najbližejšyja dni ŭniasie ŭ Siejm zakonaprajekt ab pavieličeńni terminu dziejańnia pašparta zamiežnika, jaki vydajecca ŭ krainie, piša Reform.by sa spasyłkaj na BNS.

«U najbližejšy čas maja prapanova da zakona «Ab pravavym stanoviščy zamiežnikaŭ» budzie zarehistravana albo mnoj, albo sumiesna z maimi kalehami. I buduć prapanovy pradoŭžyć termin dziejańnia pašparta zamiežnika. Viadoma, havorka idzie nie pra ŭsich, a pra vyklučnych asob, jakija sapraŭdy pieraśledujucca i dakładna nie mohuć viarnucca ŭ Biełaruś», — skazała ministarka.

Biłatajcie ŭchiliłasia ad pramoha adkazu na pytańnie, ci ŭtrymlivaje prajekt źmieny va ŭmovach vydačy pašparta. Ciapier jaho mohuć atrymać zamiežniki, jakija z abjektyŭnych pryčyn nie mohuć aformić dakumienty na radzimie.

Raniej ministarka vykazvałasia za toje, kab pašparty zamiežnika vydavalisia «tym asobam, jakija paciarpieli abo padviarhajucca pieraśledam z boku režymu», a kab hety praces pracavaŭ, treba padklučyć da jaho i Departamient dziaržbiaśpieki.

«Pahladzim, jakaja budzie farmuloŭka. Ci budzie heta praduhledžana padzakonnymi aktami abo ŭ samim zakonie — heta pytańni jurydyčnaj techniki», — skazała jana.

Ciapier pašparty zamiežnika vydajucca na hod. Dahetul u MUS krainy kazali, što termin ich dziejańnia mohuć pavialičyć da troch hadoŭ.

Nahadajem, niadaŭna hramadzianie Biełarusi pazbavilisia mahčymaści atrymlivać i abmieńvać pašparty ŭ pasolstvach i konsulstvach krainy za miažoj. Dla abmienu dakumientaŭ abaviazkova jechać u Biełaruś, adnak mnohija aścierahajucca heta rabić praz mahčymy pieraśled z boku siłavikoŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Bernardas/adkazać/sačyć
04.10.2023
Cia tik Tichonovskui!
0
Bernardas/adkazać/sačyć
04.10.2023
Cia tik Tichanovskui2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031