Ekspart PVT za minuły hod upaŭ na paŭmiljarda dalaraŭ
Park vysokich technałohij abnaviŭ infarmacyju pra ekspart, novyja pracoŭnyja miescy, abjom vytvorčaści i prodažu za 2022 hod. Dev.by pahladzieŭ asnoŭnyja pakazčyki i paraŭnaŭ ich z 2021 hodam.
Pratesty supracoŭnikaŭ PVT u 2020 hodzie
Ekspart rezidentaŭ PVT skłaŭ za minuły hod 2,7 miljarda dalaraŭ. Heta na 500 miljonaŭ dalaraŭ, abo na 15%, mienš, čym u 2021 hodzie. Padzieńnie ekspartu da papiaredniaha hoda adbyłosia ŭpieršyniu za ŭsiu historyju PVT.
Ekspart Parka vysokich technałohij za apošnija piać hadoŭ, u miljardach dalaraŭ
Pry hetym Park skarektavaŭ infarmacyju, ahučanuju jašče viasnoj na dziaržkanale ANT. Tady ŭ efiry nazvali inšuju ličbu pa eksparcie PVT za 2022 hod — 2,5 miljardy dalaraŭ.
Dola PVT u ahulnym eksparcie pasłuh Biełarusi pa vynikach minułaha hoda zastałasia na ŭzroŭni 30%. Na fonie padzieńnia ekspartu źniziłasia i źniešniehandlovaje salda PVT (roźnica pamiž ekspartam i impartam). U 2021 hodzie — 2,8 miljarda dalaraŭ, u 2022 hodzie — 2,4 miljarda dalaraŭ, abo na 16% mienš.
Abjom vytvorčaści rezidentaŭ PVT u 2021 hodzie skłaŭ 9,4 miljarda rubloŭ, u 2022-m hety pakazčyk — 8,3 miljarda (minus 11,5%).
Dola PVT u VUP Biełarusi ŭ 2021 hodzie była 4,8%, u 2022-m — 4% (minus 0,8 pracentnych punkta).
Čytajcie taksama:
«Časam heta moža być łeveł daŭn». Što z pracaj i zarobkami ŭ biełaruskim IT-siektary
Ź Biełarusi cicha syšła bujnaja videastryminhavaja kampanija
