Znajści
Ałharytmičny łacinski varyjant
27.09.2023 / 15:293RusŁacBieł

Čatyry futbolnyja zbornyja admovilisia hulać z rasijskimi moładzievymi kamandami

Ideju bajkotu prapanavała Ukrainskaja asacyjacyja futboła.

Fota: uefa.com

Zbornyja Łatvii i Polščy padtrymali bajkot — razam z Anhlijaj i Ukrainaj jany admovilisia hulać z rasijskimi moładzievymi kamandami, piša «Nastojaŝieje vriemia».

«Łatvijskaja fiederacyja futboła paćviardžaje, što zbornyja Łatvii pa futbole ŭsich uzroŭniaŭ nie buduć hulać suprać rasijskich kamand, niezaležna ad miesca praviadzieńnia takich hulniaŭ abo formy pradstaŭleńnia rasijskich spartsmienaŭ. Heta supiarečyć ćviordaj pazicyi ŁFF adnosna vajny, raspačataj Rasijaj va Ukrainie, i hetaja pazicyja zastaniecca ŭ sile da zakančeńnia bajavych dziejańniaŭ», — havorycca ŭ paviedamleńni na sajcie fiederacyi.

Prezident Polskaha futbolnaha sajuza Cezary Kuleša taksama nie pahadziŭsia z rašeńniem vykankama UEFA. «Kali zbornyja Rasii buduć dapuščanyja da ŭdziełu ŭ spabornictvach, našy zbornyja nie buduć ź imi spaborničać. Heta adzinaje pravilnaje rašeńnie», — napisaŭ Kuleša ŭ svaim tvitary.

Učora Fiederacyja futboła Anhlii paviedamiła, što anhlijskija kamandy nie buduć sustrakacca z rasijskimi.

«My nie padtrymlivajem pazicyi pa dopusku Rasii da spabornictvaŭ UEFA, i naša pazicyja zastajecca niaźmiennaj: zbornyja Anhlii nie buduć hulać suprać kamand z Rasii», — paviedamiŭ Times pradstaŭnik arhanizacyi.

Ideju bajkotu inšym fiederacyjam prapanavała Ukrainskaja asacyjacyja futboła.

«UAF rašuča asudžaje rašeńnie UEFA ab viartańni zbornych Rasii da 17 hadoŭ na mižnarodnyja spabornictvy. UAF nastojvaje na zachavańni papiarednich rašeńniaŭ UEFA i FIFA adnosna niedapuščeńnia ŭsich rasijskich kamand da ŭdziełu ŭ mižnarodnych spabornictvach pad ehidaj hetych arhanizacyj i źviartajecca da inšych asacyjacyjam-siabram UEFA z prośbaj bajkatavać mahčymyja matčy z udziełam kamand z Rasii pry ŭmovie ich dopusku».

Učora, 26 vieraśnia vykankam UEFA vynies rašeńnie ab dopusku junijorskich zbornych Rasii da mižnarodnych spabornictvaŭ u hetym siezonie.

Matčy pavinny pravodzicca bieź ściaha, himna, u inšym, nie nacyjanalnym dyzajnie hulniavoj formy i nie na terytoryi Rasii. Zabarona na vystup usich astatnich rasijskich kamand zastałasia ŭ sile.

«UEFA ŭśviedamlaje, što dziaciej nielha karać za dziejańni, adkaznaść za jakija lažyć vyklučna na darosłych, i ćviorda pierakanana, što futboł nikoli nie pavinien pierastavać pasyłać pasłańni miru i nadziei. Asabliva sumna toje, što praz kanflikt pakaleńnie niepaŭnaletnich pazbaŭlenaje prava spaborničać u mižnarodnym futbole», — havaryłasia ŭ paviedamleńni na sajcie arhanizacyi.

Čytajcie taksama:

Zbornaja Ukrainy pa plažnym futbole źniałasia z čempijanatu śvietu z-za ŭdziełu Biełarusi

Kamisija spartoŭcaŭ MAK 1 kastryčnika razhledzić rekamiendacyi pa ŭdziele biełarusaŭ u turnirach

Były ŭkrainska-biełaruski futbalist Arciom Mileŭski špitalizavany, jaho stan ciažki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Niečaha ich puskać na zachad/adkazać/
27.09.2023
Chaj ruzkija hulajuć u svaju łaptu za parebrykam.
7
mikola/adkazać/
27.09.2023
Ni maiuc Prava admauljacca guljac ! Geta ni *pryvatna lauka* kab Guljac ci Ne Guljac ! U svaim dvaru mozace ne guljac !
0
Cyber/adkazać/
27.09.2023
Navošta maskavitaŭ niedzie puskajuć hulać? Pakul Maskovija nie skončyć vajnu i nie pakinie terytoryju Ukrainy, Hruzii, Małdovy, Biełarusi ŭsio kamandy Maskovii pavinny być pazbaŭleny ŭsich mižnarodnych spabornictvaŭ.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031