Znajści
Ałharytmičny łacinski varyjant
27.09.2023 / 10:481RusŁacBieł

«Zyču jamu svabody». Pieršaja žonka Saakašvili ŭpieršyniu pabačyłasia ź im za čas źniavoleńnia i skazała, što jany bolš nie razam

Pieršaja žonka eks-prezidenta Hruzii Michaiła Saakašvili Sandra Rułafs naviedała jaho ŭ balnicy, dzie palityk znachodzicca pad vartaj u Tbilisi.

Sandra Rułafs. Fota: RoelofsSandra / Facebook

54-hadovaja byłaja pieršaja łedzi, jakaja aficyjna dahetul zamužam za Saakašvili, padzialiłasia hałoŭnaj vysnovaj ich sustrečy: bolš jany nie razam.

«Mnie spatrebilisia cełyja dva hady, pierš čym ja akazałasia psichałahična hatovaj i dosyć upeŭnienaj, kab pajechać i naviedać Mišu ŭ źniavoleńni. Paśla praciahłaj sustrečy i ščyraj razmovy ja mahu skazać, što my bolš nie razam», — paviedamiła Rułafs.

«Ja zyču jamu svabody, zdaroŭja i ščaścia», — dadała jana.

Ad hramadzianki Niderłandaŭ Sandry Rułafs, ź jakoj jon paznajomiŭsia ŭ 1993 hodzie, Saakašvili maje dvuch užo darosłych synoŭ: Eduarda i Nikałaza. Taksama ŭ jaho jość adna dačka, Elis-Maryja, ad hruzinskaj śpiavački Safo Nižaradze i druhaja, Žaśmin, ad deputatki «Słuhi naroda» Lizaviety Jaśko.

Jak viadoma, pra svaje stasunki Michaił i Lizavieta publična abviaścili ŭ 2021-m hodzie, što Sandra nazvała niečakanym dla siabie, a formu, u jakoj heta było zroblena, «nieprymalnaj».

Michaił Saakašvili byŭ zatrymany 1 kastryčnika 2021 hoda, kali napiaredadni vybaraŭ viarnuŭsia ŭ Hruziju. Jon abvinavačvajecca pa niekalkich kryminalnych spravach. Pa niekatorych ź ich Saakašvili byŭ asudžany da šaści hadoŭ źniavoleńnia jašče da viartańnia ŭ Hruziju. Praz stan zdaroŭja jon znachodzicca ŭ tbiliskaj klinicy. Daktary kažuć pra kiepski stan palityka. U lutym paviedamlałasia, što palityk važyŭ 67 kh — amal na 50 mieniej, čym byŭ da źniavoleńnia.

Čytajcie taksama:

Polski lekar sprabavaŭ ciškom vynieści bijałahičny materyjał Saakašvili — hruzinskija ŭłady

U Hruziju pryjechali daktary z Polščy dla miedycynskaha abśledavańnia Michaiła Saakašvili

Saakašvili rassakreciŭ poł i imia svajho čaćviortaha dziciaci

«Heta jaho ŭkrainski praciah». Ukrainskaja deputatka zajaviła, što naradziła ad Saakašvili

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Marina Makrietskaja/adkazać/
27.09.2023
Nu i pusť sidit. Eto jemu za vsie prolityje žienskije ślezy. Nie ponimaju ja žienŝin, kotoryje krutiat romany s žienatymi ili prinimajut ich uchaživanija. Nieužieli tak prijatna eta vsia hriaź?!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031