Znajści
Ałharytmičny łacinski varyjant
27.09.2023 / 09:566RusŁacBieł

U Łatvii rekanstrujavali aŭtamabil z kultavaha savieckaha bajevika

U Jełhavie zroblenaja replika aŭtamabila z papularnaha filma 80-ch «Miraž», źniataha na Ryžskaj kinastudyi. Lehiendarnuju inkasatarskuju mašynu zrabiŭ entuzijast-aŭtaamatar Rusłan Hryharovič, piša Delfi.lv.

Kadr ź filma «Miraž»

Choć dziejańnie filma 1983 hoda adbyvałasia nibyta ŭ ZŠA, jaho zdymali ŭ Łatvijskaj SSR, tamu «amierykanskim» bankaŭskim inkasatarskim aŭtamabilem staŭ usiedarožnik taho času «Łada Niva».

Repliku acanili akciory Marcińš Viłsańš i Mirdza Marcinsonie, jakija vykanali hałoŭnyja roli ŭ filmie. Jany pryznali, što kopija akazałasia navat jakaśniejšaj, čym aryhinał ź filma.

Cikava, što aryhinalnyja eskizy «kinošnaj» «Łady Nivy» nie zachavalisia, tamu jełhaviec Rusłan Hryharovič uznaŭlaŭ aŭtamabil pa kadrach ź filma. Naprykład, u filmie ni razu nie adkryvaŭsia siejf dla inkasacyi, tamu jaho ŭnutranuju płaniroŭku Rusłanu pryjšłosia stvarać samomu.

Pa darohach ahulnaha karystańnia na hetym aŭtamabili jeździć nie dazvolać, bo jaho nie zmohuć zarehistravać z-za krataŭ na voknach i inšych elemientaŭ pieraabstalavańnia.

Film «Miraž» byŭ źniaty ŭ 1983 hodzie znakamitym łatvijskim režysioram Ałaizam Brenčam, jaki, naprykład, źniaŭ adzin z hałoŭnych savieckich chitoŭ — «Doŭhuju darohu ŭ dziunach». 

«Miraž» — heta trochsieryjnaja adaptacyja detektyŭnaj apovieści Džejmsa Chedli Čejza «Uvieś śviet u kišeni».

Zhodna ź siužetam, u pošukach hrošaj Džyni, u jakoj źvioŭ rachunki z žyćciom baćka i paśla jaho śmierci niemahčyma atrymać strachoŭku, jaje siabra Eł i prafiesijny kryminalnik Frenk (jaho syhraŭ jašče adzin znakamity bałtyjski akcior Rehimantas Adamajcis) vykradajuć inkasatarski aŭtamabil z tryma miljonami dalaraŭ i chavajucca ad palicyi ŭ harach.

U kancy filma Džyni i Eł, kab nie trapić u ruki palicyi, kidajucca, uziaŭšysia za ruki, sa skały.

Čytajcie taksama:

89-hadovaja Safi Łaren pieraniesła ekstrannuju apieracyju paśla padzieńnia ŭ vannym pakoi

Kinateatr «Maskva» ŭ Minsku čakaje kapitalny ramont

«Na inšym bierazie» ŭ Minsku papularniejšy za «Barbi» i «Opienhiejmiera» — Kinavideaprakat

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
mikola/adkazać/
27.09.2023
ne cikavy i duracki gety Film.
1
Žvir/adkazać/
27.09.2023
Amatar, kina/telie pradukcyja Ryžskaj kinastudyi byla liepšaj u bylym CCCP. Padobna, što vy zusim nieabaznany ŭ pytaņni.
1
Žvir/adkazać/
27.09.2023
123, O! Ja ž kazaŭ. :)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera