Pa ŭsioj krainie milicyja pravodzić vučeńni pa zatrymańniach ludziej. Prosiać nie pužacca
MUS da 30 vieraśnia va ŭsich terytaryjalnych orhanach unutranych spraŭ pravodzić «treniroŭki pa zładžanaści dziejańniaŭ asabovaha składu ŭ asablivych umovach», paviedamlaje pres-słužba viedamstva.
Milicyja, pavodle paviedamleńnia, budzie adpracoŭvać «ałharytm zatrymańnia ŭmoŭnych pravaparušalnikaŭ».
Z hetaj pryčyny mahčymyja abmiežavańni ruchu transpartu i piešachodaŭ, vystaŭleńnie pastoŭ, praviadzieńnie inšych abmiežavalnych mierapryjemstvaŭ.
MUS prosić «z razumieńniem pastavicca da časovych niazručnaściaŭ u suviazi ź mierapryjemstvami».
U Biełarusi masavyja palityčnyja represii praciahvajucca z 2020 hoda, kali Łukašenka vidavočna prajhraŭ vybary, ale nie addaŭ ułady. Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali. Sistemny charaktar nabyli katavańni palitźniavolenych.
