Znajści
Ałharytmičny łacinski varyjant
27.09.2023 / 09:2227RusŁacBieł

Šviecyja admoviła ŭ prytułku biełaruscy, niahledziačy na kryminałku za palityku. Joj prapanavali źjechać u Rasiju

U 2020 hodzie paśla apublikavańnia vynikaŭ prezidenckich vybaraŭ Ała Ćvirko aktyŭna ŭdzielničała ŭ strajku na Minskim aŭtamabilnym zavodzie. Paśla hetaha žančyna źjechała z Biełarusi spačatku va Ukrainu, a potym u Šviecyju. Ale atrymać palityčny prytułak u hetaj skandynaŭskaj krainie aktyvistcy nie ŭdałosia, piša «Lusterka».

Fota: Tut.by

Mihracyjnyja ŭłady ličać, što prafsajuznaja dziejnaść nie źjaŭlajecca palityčnaj i na radzimie Ale Ćvirko ničoha nie pahražaje, choć tam suprać jaje zaviali kryminalnuju spravu.

U 2020 hodzie Ała była aktyŭnaj udzielnicaj strajku rabočych na Minskim aŭtamabilnym zavodzie i aktyvistkaj pieršasnaj arhanizacyi Svabodnaha prafsajuza mietalistaŭ. Vosieńniu 2021 hoda da jaje pryjšli ź pieratrusam. U dačynieńni da aktyvistki KDB raspačaŭ kryminalnuju spravu pa č. 1 art. 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).

Siłaviki nie zaśpieli aktyvistki doma. Joj udałosia źjechać va Ukrainu. Paśla pačatku poŭnamaštabnaha ŭvarvańnia Rasii žančyna vyjechała ŭ Šviecyju, dzie žyvie jaje siastra. Tam ža paprasiła palityčnaha prytułku, ale šviedskija ŭłady admovili. Choć u biełaruski na rukach — pastanova pra zaviadzieńnie kryminalnaj spravy.

— Admovili praz toje, što nie bačać pahrozy dla mianie pry viartańni ŭ Biełaruś, skazali, što prafsajuznaja praca nie źjaŭlajecca palityčnaj dziejnaściu, — tłumačyć Ała. — Spačatku admoviła mihracyjnaja słužba, potym mihracyjny sud, apošniaj instancyjaj byŭ Viarchoŭny sud Šviecyi.

Zhodna z rašeńniem suda, da 9 kastryčnika biełaruska pavinnaja pakinuć nie tolki krainu, ale i Šenhienskuju zonu.

— U mihracyjnaj słužbie mnie prapanavali navat kupić bilet na samalot da Rasii, — śmiajecca Ała. — Viadoma, ja admoviłasia. Śmiešna, što čynoŭniki ŭ Šviecyi navat nie viedajuć, što avijaznosiny z Rasijaj daŭno adsutničajuć.

Ad dumki pra nieabchodnaść pakinuć Šviecyju i zonu Šenhien žančynie, praŭda, nie da śmiechu. Što rabić dalej — jana nie viedaje. Kali nie źjedzie samastojna, jaje departujuć.

— Ja budu sprabavać zrabić vizu ŭ adnu z krain, dzie biełarusam praściej atrymać prytułak, bo ŭ Rasiju mnie jechać niamožna, — razvažaje surazmoŭnica. — Źviazvałasia i z prafsajuzami, i z pravaabarončymi arhanizacyjami, jakija adpravili ŭ mihracyjnuju słužbu listy ŭ maju padtrymku, ale ŭsio heta nijak nie paŭpłyvała na maju spravu. Mnie zdajecca, što mihracyjnaja słužba Šviecyi nie zusim abaznanaja ŭ pytańni Biełarusi i nie viedaje, što tam ciapier adbyvajecca.

Pra spravu Ały Ćvirko viedajuć u Narodnaj ambasadzie Biełarusi ŭ Šviecyi. Pradstaŭnik hetaj arhanizacyi Dźmitryj Vasierman u kamientary «Lusterku» adznačyŭ, što žančynie, chutčej za ŭsio, treba budzie źjechać u adnu z krain, jakija nie ŭvachodziać u Šenhienskuju zonu, kab zrabić vizu i viarnucca ŭ ES.

— Lehalnych šancaŭ źjechać, naprykład, u Polšču ŭ Ały niama, bo, pavodle praviłaŭ Jeŭrasajuza, kali čałavieku admovili ŭ prytułku ŭ adnoj z krain, to jon musić pakinuć ES i padać zajavu na novuju vizu, — kaža Dźmitryj Vasierman. — Kali Ała vyrašyć zrabić tak, to nieviadoma, ci atrymaje jana novuju vizu. Heta vialikaja trahiedyja dla biełarusaŭ, bo paśla admovy ŭ Šviecyi lehalna źjechać u inšuju krainu ES jany nie mohuć.

Dźmitryj Vasierman paviedamiŭ «Lusterku», što prablema Ały Ćvirko dla Šviecyi nie ŭnikalnaja. Pavodle infarmacyi Narodnaj ambasady, u 2022 hodzie mihracyjnaja słužba pryniała 141 rašeńnie ŭ dačynieńni da biełarusaŭ, jakija prosiać palityčnaha prytułku. Tolki try ź ich byli stanoŭčymi.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
7
Ха-ха
2
Ого
3
Сумна
7
Абуральна
45
1
Migrationsverket kritik/adkazać/
27.09.2023
Šviedskaja słužba "mihrachun" - eto sboriŝie otbornych liciemierov i zakončiennych cinikov. A ich provalnyj nieprofieśsionalizm eto liš śledstvije ukazannych vyšie i inych faktorov. Boroťsia s nimi nužno čieriez sud, pričiem łučšie čtoby na storonie biežienca vystupało čto-nibud́ vrodie mihracionnoj słužby Vielikobritanii. Tohda, kak śvidietielstvujet praktika, niezakonnyj otkaz šviedskich vłastie i možno otmieniť.
0
a kali b/adkazać/
27.09.2023
Anž, a kab jana była ź plemieni apačaŭ? A kali b jana była smaŭžom ci vožykam?
0
Maksim Dizajnier/adkazać/
28.09.2023
Migrationsverket kritik,

Kakaja praktika u proletarskoho "niehra" v ES?Tysiency jevro na normalnoho advokata ty daš?Počitaj staťju, ona podniała na uši vsie instancii, i naši i šviedskije.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031