«Jak možna raskazvać pra vyhadnyja kredyty, kali sadžajuć za kamientary?» Prajekt Infobank zajaviŭ ab spynieńni svajoj pracy
Analityčny prajekt Infobank zajaviŭ ab spynieńni svajoj dziejnaści. Takoje paviedamleńnie źjaviłasia na sajcie prajekta.
Redaktar prajekta Infobank
U zajavie ad imia redaktara Infobank skazana, što prajekt isnavaŭ z 2007 hoda i da padziej 2020 hod zastavaŭsia «pa-za palitykaj». Ale ŭ 2020 hodzie na sajcie prajekta źjavilisia baniery ŭ padtrymku kandydata ŭ prezidenty Śviatłany Cichanoŭskaj, fota ludziej, jakija paciarpieli ad dziejańniaŭ siłavikoŭ.
Uvosień 2020 hoda prajekt paŭdzielničaŭ u abvieščanym tady strajku — adklučyŭ dadatkovyja funkcyi sajta i raźmiaściŭ na hałoŭnaj staroncy banier-zahłušku. U sakaviku 2022 hoda sajt prajekta byŭ zabłakavany ŭ Biełarusi.
Jak skazana ŭ paviedamleńni, supracoŭniki redakcyi pakinuli krainu, i ciapier nie majuć namieru praciahvać pracu.
«My nie razumiejem, jak možna pisać pra rekłamnyja akcyi bankaŭ, kali ŭ krainie sadžajuć za fatahrafiju z maršu pratestu 2020 hoda — na 3 hady. Jak možna raspaviadać pra vyhadnyja kredyty, kali za kamientar suprać vajny ludziej taksama sadžajuć u turmu na hady? Jak možna pisać pra rejtynhi ŭnioskaŭ, kali bačyš, jak Biełaruś usio bolš i bolš pieratvarajecca ŭ Paŭnočnuju Kareju», — havorycca ŭ zajavie redakcyi.
Čytajcie taksama:
Jašče dva bujnyja mižnarodnyja banki abjavili, što ich kartki pierastanuć pracavać u Biełarusi
Biełaruskija banki pačali zakryvać rachunki nierezidentaŭ, adkrytyja pa davieranaści
