Pry vybuchu bienzaschovišča ŭ Nahornym Karabachu zahinuli 125 čałaviek
Pry vybuchu na bienzaschoviščy kala trasy Ściepanakiert-Askieran u Nahornym Karabachu zahinuli 125 čałaviek, paviedamiła kiraŭnica Ministerstva achovy zdaroŭja Armienii Anait Avaniesian.
Pareštki zahinułych dastavili ŭ sudova-miedycynskija centry Armienii.
Akramia taho, na hety momant u Nacyjanalnym apiokavym centry znachodziacca 67 pacyjentaŭ, jakija paciarpieli ad vybuchu.
«Stan bolšaści pacyjentaŭ aceńvajecca jak vielmi ciažki i ciažki, vielmi mała lohkich vypadkaŭ», — skazała ministarka.
Vybuch na aŭtazapraŭcy adbyŭsia ŭviečary 25 vieraśnia pablizu trasy Ściepanakiert — Askieran. Pa słovach vidavočcaŭ, na stancyi, dzie adbyŭsia vybuch, vydavali bienzin ludziam, jakija vyjazdžajuć u Armieniju. Pryčyny vybuchu nie ŭdakładniajucca.
Čytajcie taksama:
Bajden dasłaŭ list z padtrymkaj armianskamu premjeru Pašynianu
MZS Armienii zaklikaŭ razharnuć u Karabachu miratvorčyja siły AAN
