Znajści
Ałharytmičny łacinski varyjant
26.09.2023 / 14:014RusŁacBieł

«Błasłavieńnie i praklon». Stan Brusa Uilisa imkliva horšaje

U 68-hadovaha amierykanskaha akciora niekalki miesiacaŭ tamu dyjahnastavali nievylečnaje zachvorvańnie. Ema Cheminh zajaviła, što stan muža imkliva paharšajecca.

Brus Uilis padčas kinafiestyvalu ŭ Ńju-Jorku ŭ kastryčniku 2019 hoda. Fota: Jim Spellman / WireImage / Getty Images

Siamja zorki Halivuda ŭ minułym hodzie paćvierdziła, što ŭ jaho vyjavili ŭzrostavyja źmieny mozha, z-za vyjaŭlenaj afazii (parušeńnia maŭleńnia) jon zaviaršyŭ karjeru. U lutym u Brusa dyjahnastavali łobna-skronievuju demiencyju — heta niezvyčajnaja forma słabaści rozumu, jakaja vyklikaje paharšeńnie pavodzin, stratu maŭleńnia.

Ciapier žonka «Mocnaha areška» raskazała sumnuju historyju pra paharšeńnie mužavaha zdaroŭja. Ema pryznałasia, što nie moža strymać ślozy, nazirajučy, jak jaje muž pamiraje ad chvaroby, piša The Voice.

«Ja viedaju, što demiencyja — ciažkaja reč. Heta ciažka dla čałavieka z dyjahnazam. Heta taksama ciažka dla siamji. I heta ničym nie adroźnivajecca ad situacyi z Brusam, sa mnoj i z našymi dziaŭčynkami. I kali daktary kažuć, što heta siamiejnaje zachvorvańnie, heta sapraŭdy tak», — paviedamiła Cheminh.

U Uilisaŭ dźvie supolnyja dački — 11-hadovaja Mejbł i 8-hadovaja Evielin. Vybrańnica Uilisa zajaviła, što nie chavaje ad dziaciej jaho dyjahnaz.

«Ja ŭsio raskazała im z samaha pačatku. U nas vielmi ščyraja i adkrytaja siamja. I samym važnym dla nas było mieć mahčymaść daviedacca, što heta za chvaroba, rastłumačyć, što heta takoje, bo, kali ty viedaješ heta ź miedycynskaha punktu hledžańnia, usio nabyvaje sens. Ja nie chaču, kab dyjahnaz ich baćki abo lubaja inšaja forma demiencyi vyklikali styhmatyzacyju abo soram», — zajaviła Ema ŭ efiry Today show u Ńju-Jorku.

Paśla pytańnia viadučaha, ci ŭśviedamlaje sam Brus, što ź im adbyvajecca, Ema zrabiła paŭzu. «Ciažka skazać», — adznačyła žonka słavutaha akciora.

Vybrańnica zorki filma «Piaty elemient» pryznała, što im stała lahčej paśla taho, jak miedyki zmahli pastavić dakładny dyjahnaz. «Ja dumaju, heta było błasłavieńniem i praklonam. Heta nie robić situacyju mienš balučaj, ale prosta pryniaćcie i prosta viedańnie taho, što adbyvajecca z Brusam, robić usio heta krychu lahčejšym», — cytuje Daily Mail Emu.

Žančyna raspaviała, što jany vučacca žyć tak, kab zaŭvažać mnostva vydatnych rečaŭ.

«Prosta dla mianie sapraŭdy važna adarvać pozirk ad hora i smutku, kab ja mahła ŭbačyć, što adbyvajecca vakoł nas. Brus praciahvaje daryć našym dzieciam luboŭ, ciarpieńnie, stojkaść, a heta tak šmat. Jon vučyć nas, jak kłapacicca i lubić, i heta vydatna siarod smutku», — dadała Cheminh.

Čytajcie taksama:

Brusu Uilisu pastavili novy dyjahnaz — łobna-skronievaja demiencyja

Łobna-skronievaja demiencyja. Što za chvaroba, na jakuju chvareje Brus Uilis?

«My — siamja»: Demi Mur rasčuliła kaladnymi zdymkami z chvorym na afaziju Brusam Uilisam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
0
Ха-ха
0
Ого
1
Сумна
101
Абуральна
2
0
Džo/adkazać/
26.09.2023
Trymajsia Apošni Bojskaut!
0
mikola/adkazać/
26.09.2023
Spaczuvaiu. Velmi skada. Geta byu adzil z lepsyh akciorau 90 gadou...
0
krepki arešak/adkazać/
26.09.2023
sapraŭdy dobry akcior.. škada.. ale što zrobiš - nichto nie viečny.. na žal (
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930