Bajden dasłaŭ list z padtrymkaj armianskamu premjeru Pašynianu
Prezident ZŠA Džo Bajden dasłaŭ list armianskamu premjer-ministru Nikołu Pašynianu, u jakim zapeŭniŭ u dalejšaj padtrymcy jaho krainy z boku Złučanych Štataŭ. List ad Bajdena Pašynianu pieradała kiraŭnica Ahienctva ZŠA pa mižnarodnym raźvićci (USAID) Samanta Paŭer.
Fota: Ukrainian Presidential Press Office via Getty Images
«Ja paprasiŭ Samantu Paŭer, klučavoha člena majho kabinieta, asabista pieradać vam rašučuju padtrymku Złučanych Štataŭ i majoj administracyi imknieńniu Armienii da dasiahnieńnia hodnaha i tryvałaha rehijanalnaha miru, jaki budzie abaraniać vaš suvierenitet, niezaležnaść, terytaryjalnuju cełasnaść i demakratyju», — havorycca ŭ liście amierykanskaha prezidenta.
Bajden padkreśliŭ, što ZŠA buduć praciahvać padtrymlivać Armieniju va ŭmacavańni demakratyi ŭnutry krainy i ŭ imknieńni da stabilnaści ŭ rehijonie.
Pierad hetym 19 vieraśnia Azierbajdžan pačaŭ «antyterarystyčnuju» apieracyju suprać Nahornaha Karabacha, jaki suśvietnaja supolnaść ličyć častkaj Azierbajdžana. Hetaja apieracyja ŭžo praź dzień skončyłasia faktyčnaj kapitulacyjaj Nahornaha Karabacha, i ciapier vyrašajecca, jak hety rehijon budzie žyć dalej.
Čytajcie taksama:
Što takoje Nahorny Karabach i što armianie z azierbajdžancami tam dzielać
