Znajści
Ałharytmičny łacinski varyjant
26.09.2023 / 12:0712RusŁacBieł

Dačka «baciuški sa svastykaj» viarnułasia da baćki, jaki jaje razbeščvaŭ. I da jaho pohladaŭ 

Rasijanin Kanstancin Burykin, viadomy biełarusam jak «baciuška sa svastykaj», paśla vychadu z kałonii vyjechaŭ u Rasiju i prasłaŭlaje Kadyrava z Pucinym. A voś dačka Alaksandra, jakaja davała pakazańni na baćku, daravała jamu i viarnułasia na nieanacysckija pazicyi. 

Siamiejstva Burykinych razam z adnym z rasijskich hetak zvanych «vajenkaraŭ»

Były nastajaciel pravasłaŭnaha prychoda ŭ Hatavie Kanstancin Burykin, viadomy jak «baciuška sa svastykaj», paśla vyzvaleńnia ź biełaruskaj kałonii pačaŭ druhoje žyćcio ŭ Rasii. 

A jahonaja dačka Alaksandra, jakaja zastałasia ŭ Biełarusi, daravała baćku toje, što jon ź joj rabiŭ, i viarnułasia na palityčnyja pazicyi, blizkija da jahonych. 

Čytajcie taksama: Dačka Burykina ŭ šoku ad jaho vyzvaleńnia: Jon rana ci pozna pryjedzie i zabje mianie

Nahadajem, što pa śviedčańniach dački Kanstancina Burykina, jon ažyćciaŭlaŭ ź joju dziejańni seksualnaha charaktaru. Pry hetym Burykin prytrymlivaŭsia nacysckich pohladaŭ — lustry doma ŭ jaho byli ŭ formie svastyk, akłady pravasłaŭnych abrazoŭ byli sa svastyk, na hrudziach byli nabity svastyki, a doma visieli malavanyja karciny jaho samoha ŭ formie SS. 

«Naša Niva» ŭ svoj čas zrabiła niekalki publikacyj pra jaho. 

Čytajcie taksama: «Raskazała tolki mamie, na jaje mahile»: žudasnaja spoviedź dački «baciuški sa svastykaj» pra toje, što jon rabiŭ ź joj

Zatrymany «baciuška sa svastykaj» Kanstancin Burykin

Što ŭ siamji adbyvajecca ciapier? 

Paśla vychadu ź biełaruskaj kałonii Burykin viarnuŭsia ŭ Rasiju, adkul jon rodam. 

Burykin zabraŭ z saboj častku siamji, aktyŭna viadzie sacsietki — pastaviŭ na avatarku va «UKantakcie» Z i pościć rasijskuju prapahandu. U tym liku nachvalvaje tyktoki bajcoŭ Kadyrava i jaho samoha. 

Tak ciapier vyhladaje Burykin

Na staroncy Burykina paśla pačatku vajny rehularna źjaŭlajecca i jahonaja dačka Alaksandra. Taja Alaksandra, jakaja ŭ 2019-m paspaviadałasia «Našaj Nivie», pakinuŭšy krainu ŭ šoku, — jana zajaŭlała, što baćka ź dziciačaha ŭzrostu ažyćciaŭlaŭ ź joju dziejańni seksualnaha charaktaru. Časam na paru z mačachaj. 

Vyhladaje, što sama Alaksandra ciapier viarnułasia i da palityčnych pohladaŭ, ułaścivych jaje baćku. 

U svaich sacsietkach Burykina cytuje Pucina i piaje chvałaśpievy bajcam PVK «Vahnier». Pracuje jana kielnierkaj u adnym ź minskich baraŭ. 

Svoj tyktok-akaŭnt jana nazvała @black_mama88. Ci supadzieńnie heta? «88» u kołach nieanacystaŭ heta adsyłka da 8-j litary łacinskaha ałfavita, «H», ličbavy znak vitańnia «Chajl Hitler». 

Na adnym ź videa jana apisvaje hipatetyčnuju situacyju, u jakoj naviedvalniki bara, dzie jana nalivaje, pačali spračacca pra palityku, a jana «vyklikała vahnieraŭ». 

Viartańnie da baćki supała z tym, što Alaksandra stała mamaj. Ale ni na adnym ź jaje tyktok-videa niama baćki dziciaci. 

Da baćki ŭ Rasiju Alaksandra Burykina jeździć razam ź dziciom. 

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
63
Ха-ха
8
Ого
2
Сумна
10
Абуральна
18
0
Heć/adkazać/
26.09.2023
riuzzki mir va ŭsioj krasie - hvałtavańni/damahańni, hitler/pucin, nacyzm/rašyzm, vahnier/zeki, skrepy/rpc. prosta poŭny karyčnievy nabor.
1
Middle West/adkazać/
26.09.2023
Heć, yes, exactly, this is "white trash"
3
Maksim Dizajnier/adkazać/
27.09.2023
Zato krasivaja, dietki krasivyje buduć. Krasata spasiet etat mir.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera