Znajści
Ałharytmičny łacinski varyjant
25.09.2023 / 17:017RusŁacBieł

Karpiankovu spoŭniłasia 55 hadoŭ, a ŭkaza Łukašenki niama

Pavodle «Zakona ab vajskovym abaviazku i vajskovaj słužbie», maksimalny ŭzrost znachodžańnia na słužbie dla hienierał-majora, jakim jość Karpiankoŭ, 55 hadoŭ. Stolki jamu spoŭniłasia 6 vieraśnia. Rašeńnie ab dalejšym praciahu słužby pavinien pryniać Łukašenka, ale na jahonym sajcie takoha rasparadžeńnia pakul nie źjaviłasia. Ale nie źjaviłasia i rasparadžeńnia ab adstaŭcy.

Mikałaj Karpiankoŭ (sprava) — kamandujučy ŭnutranymi vojskami MUS i adzin z arhanizataraŭ masavych represij 2020—2023 hadoŭ. Fota telehram-kanała @vvmvdrb

Raniej u takich situacyjach na sajcie Alaksandra Łukašenki publikavalisia rasparadžeńni ab dazvole praciahvać słužbu hienierałam, jakim spaŭniałasia 55 hadoŭ.

Adnosna niadaŭna tak było z Alaksandram Barsukovym, Viktaram Lisoŭskim i inšymi. 

A voś z Karpiankovym — cišynia. U takim vypadku farmalna Karpiankoŭ pavinien pajści na piensiju.

Ale na sajcie Ministerstva ŭnutranych spraŭ jon usio jašče značycca kiraŭnikom unutranych vojskaŭ, što možna razumieć jak śviedčańnie praciahu słužby. 

Karpiankovu ŭ zvańni pałkoŭnika ŭžo adzin raz dazvalali praciahnuć słužbu. Jak raskazvajuć krynicy «Našaj Nivy», toje adbyłosia sa skrypam i nasupierak tahačasnamu kiraŭniku Rady biaśpieki Stanisłavu Zasiu. 

Zorny čas Mikałaja Karpiankova i jahonaha Hałoŭnaha ŭpraŭleńnia pa baraćbie z arhanizavanaj złačynnaściu MUS, jakoje visieła na vałasku ad rasfarmiravańnia, pryjšoŭsia na 2020 hod. 

Tady načalnik HUBAZiKa staŭ adnym z arhanizataraŭ i vykanaŭcaŭ masavych represij suprać biełaruskaha naroda. 

U vyniku 19 listapada 2020-ha jon byŭ pavyšany Łukašenkam u kiraŭniki ŭnutranych vojskaŭ MUS. 

Imaviernaja pieramožca prezidenckich vybaraŭ 2020-ha Śviatłana Cichanoŭskaja, uładu jakoj Alaksandr Łukašenka nie pieradaŭ, inicyjavała pryznańnie HUBAZiKa terarystyčnaj arhanizacyjaj, ale na mižnarodnym uzroŭni tema raźvićcia nie atrymała.

25 vieraśnia Mikałaj Karpiankoŭ prysutničaŭ na vyprabavańniach na «krapavy bieret» dla bajcoŭ Unutranych vojskaŭ.

Čytajcie taksama:

 Karpiankoŭ naviedaŭ łahier vahnieraŭcaŭ

«Addadziena kamanda na začystki». Karpiankoŭ raskazaŭ, jak siłaviki rychtujucca zmahacca z apazicyjaj

Karpiankoŭ pra apazicyju: Šalonyja sabaki, jakija zasłuhoŭvajuć tolki adnaho — śmierci

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
3
Ха-ха
10
Ого
1
Сумна
0
Абуральна
12
1
Zwintar na BiełAES/adkazać/
25.09.2023
Značyć jamu tudy daroha, Breskaja vulica na Zachad nas viadzie 8⁠-⁠)
1
mikola/adkazać/
25.09.2023
Ta-dam, /moguc zabic voragi....brudna praca....
2
Svoi užie strašnieje bčbšnikov/adkazać/
25.09.2023
Kotya, snačała vsie oni zaletiat na kartu Čiornaja kniha Biełarusi. Nu a potom vozmožno i Karpienkova vykinut na svałku. Karpienkov naviernoje nie ožidajet, čto jeho vykinut svoi?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera