Łukašenka daŭ nakaz čynoŭnikam vybrać deputataŭ, jakich paśla «abiaruć», i nie chavać hetaha
Padčas narady z novapryznačanymi kiraŭnikami rajonaŭ i pradpryjemstvaŭ Alaksandr Łukašenka raskazaŭ im, što rabić na nastupnych vybarach.
Skryn videa kanała «Puł piervoho»
Łukašenka zaŭvažyŭ, što ideałahičny składnik u elektaralnych kampanijach maje važnaje značeńnie.
«Dumajcie, chto budzie pradstaŭlać vas u parłamiencie, va Usiebiełaruskim narodnym schodzie. My absalutna nie chavajem taho, što my kahości budziem padtrymlivać — heta naturalna. Kali b my ciapier siabie takimi niavinnymi pakazvali, z nas by prosta śmiajalisia», — skazaŭ jon.
Łukašenka dadaŭ, što kali b jany elektronnaje hałasavańnie pravodzili, to ich by «z tvaru ziamli ścierli».
«U nas jość svaje zadačy, svaje mety, vyznačajcie hodnych, patryjatyčnych ludziej, prafiesijanałaŭ i padtrymlivajcie ich na parłamienckich vybarach i [vybarach] va Usiebiełaruski narodny schod. Ničoha ja nie chavaju, i vam chavać niama čaho», — skazaŭ jon.
Čytajcie taksama:
«Treba sapsavać viečarynku». Prakopjeŭ nazvaŭ čatyry akny mahčymaściaŭ dla źmien u Biełarusi
