Nastaŭnik muzyki ŭ Minskaj vobłaści 15 hadoŭ spakušaŭ dziaciej. Jaho achviaram — ad 6 da 14 hadoŭ
51-hadovy nastaŭnik muzyki na praciahu 15 hadoŭ učyniaŭ hvałtoŭnyja dziejańni seksualnaha charaktaru ŭ dačynieńni da školnikaŭ va ŭzroście ad 6 da 14 hadoŭ. Padčas praviadzieńnia dadatkovych zaniatkaŭ pa vakale paśla ŭrokaŭ pad vyhladam fotasiesij, žartaŭ jon ździajśniaŭ nieprystojnyja rečy. Svaje dziejańni fihurant zapisvaŭ na fota– i videaaparaturu. U mužčyny vyjaŭlena bolš za 1500 malunkaŭ i videazapisaŭ, častka ź jakich adnosicca da parnahrafičnych materyjałaŭ.
Śledčyja vyjavili 49 epizodaŭ u kryminalnaj spravie. Achviarami seksualnaha hvałtu z boku nastaŭnika stali školnicy, jakija «praz svoj uzrost i indyvidualna-psichałahičnyja asablivaści nie razumieli charaktaru supraćpraŭnych dziejańniaŭ nastaŭnika», jak paviedamlaje SK.
Dzieci, jakija traplali pad «asablivuju ŭvahu» nastaŭnika, raspaviadali kiraŭnictvu, piedahoham škoły i baćkam ab svojeasablivych pavodzinach nastaŭnika, adnak tyja nie nadavali značeńnia hetamu, što dazvoliła mužčynu praciahvać svaje złačynnyja dziejańni.
Dyrektar škoły, jaho namieśnik i piedahoh-psichołah adchilenyja ad pasad. Ich dziejańniam, a taksama dziejańniam inšych supracoŭnikaŭ ustanovy adukacyi pravaachoŭnymi orhanami budzie dadziena dadatkovaja pravavaja acenka.
Byłomu 51-hadovamu nastaŭniku muzyki vystaŭlena abvinavačańnie pa šerahu artykułaŭ Kryminalnaha kodeksa Respubliki Biełaruś:
č. 3 art. 167 (ździajśnieńnie inšych hvałtoŭnych dziejańniaŭ seksualnaha charaktaru ŭ dačynieńni da zaviedama małaletnich);
č. 1 i č. 2 art. 169 (ździajśnieńnie raspusnych dziejańniaŭ piedahahičnym rabotnikam u dačynieńni da zaviedama małaletnich);
č. 3 art. 343-1 (vykarystańnie zaviedama małaletnich dla vyrabu parnahrafičnych materyjałaŭ ź ich vyjavami).
