Znajści
Ałharytmičny łacinski varyjant
24.09.2023 / 19:5418RusŁacBieł

42-hadovy haradzieniec pakinuŭ radzimu paśla zatrymańnia. I praz tydzień nie vytryvała serca

Dzianis Švyrkin byŭ tym čałaviekam, jaki ŭ Hrodnie ahučyŭ patrabavańni naroda padčas najbolš masavaha pratestu ŭ historyi Biełarusi, 16 žniŭnia 2020 hoda. Zatrymańnia ŭ vieraśni 2023-ha jon nie vytrymaŭ.

Dzianis Švyrkin. Fota: jahony fejsbuk

Dzianis Švyrkin skončyŭ Biełaruski instytut pravaznaŭstva i kala dziesiaci hadoŭ adpracavaŭ u MTS, daros tam da pasady kiraŭnika dylerskich sietak pa Haradzienščynie. Potym pierajšoŭ u firmu «Servis M Łahistyk» na pasadu načalnika spačatku adździeła prodažaŭ, a paźniej — adździeła pa pracy z klijentami. Firma zajmajecca hruzapieravozkami pa Jeŭropie i Biełarusi. Niejki čas byŭ indyvidualnym pradprymalnikam, paśla čaho pierajšoŭ na pracu ŭ Wildberries.

U 2020-m mužčyna ŭvajšoŭ u hrodzienskuju kamandu Viktara Babaryki — apytańni pakazvali, što jon samy papularny apanient Alaksandra Łukašenki. U žniŭni 2020-ha mienavita Švyrkina abrali «kiraŭnikom kaardynacyjnaj rady hramadskaści Hrodna». Heta jon u Hrodnie ahučyŭ patrabavańni naroda padčas najbolš masavaha pratestu ŭ historyi Biełarusi, 16 žniŭnia 2020 hoda, sa sceny mitynhu na centralnaj płoščy horada.

Paśla Švyrkin bałatavaŭsia ŭ «Schod» — prajekt narodnaj alternatyvy łukašenkaŭskamu tak zvanamu Usiebiełaruskamu narodnamu schodu. Inicyjatyva praisnavała niadoŭha: jana była razhromlenaja siłavikami, a častka jaje byłych delehataŭ, siarod jakich i fiłosaf Uładzimir Mackievič, ciapier za kratami.

Švyrkin vykarystoŭvaŭ lubyja mahčymaści dla lehalnaj dziejnaści. Jon staŭ členam arhkamiteta pa stvareńni partyi «Razam», jakuju arhanizoŭvali adnadumcy Viktara Babaryki.

U vieraśni 2023-ha Švyrkina zatrymali za «raspaŭsiud ekstremisckich materyjałaŭ» — «ekstremisckimi materyjałami» łukašysty nazyvajuć lubyja niepadkantrolnyja im ŚMI, kanały, błohi. Mužčynu vypuścili ź vialikim štrafam — paśla hetaha jon vyjechaŭ ź Biełarusi.

Kala tydnia tamu Dzianis Švyrkin pierabraŭsia va Urocłaŭ. U fejsbuku jon napisaŭ ščymlivy post z hetaj nahody.

Skrynšot sa staronki Dzianisa Švyrkina — jahony apošni post

Unačy z 23 na 24 vieraśnia jon raptoŭna pamior. Znajomy mužčyny raskazaŭ «Našaj Nivie», što, pa źviestkach siabroŭ, nie vytrymała serca. 

«Naša Niva» — bastyjon biełaruščyny

PADTRYMAĆ

Čytajcie taksama:

Raptoŭna pamior Andrej Dziečka, adzin z aŭtaraŭ antyłukašenkaŭskaha zvarotu byłych vajskoŭcaŭ

34-hadovaja biełaruska pamierła na adpačynku ŭ Kyrhyzstanie. Jana była rekanstruktarkaj

Raptoŭna pamierła karespandentka «Hancavickaha času» Śviatłana Małyška

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Anatol Starkou/adkazać/
25.09.2023
[Red. vydalena]
0
Anatol Starkou/adkazać/
25.09.2023
[Red. vydalena]
0
Nia-na-viść da ruskahamiru /adkazać/
25.09.2023
Anatol Starkou, Dziadźka, ty durań?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031