U Lidzie prajšli zatrymańni na «Biełteks Optyk», «Łakafarbie» i pradpryjemstvie ŽKH
U Lidzie praciahvajucca zatrymańni pa palityčnych matyvach, a na małočna-kansiervavym kambinacie prymušajuć hladzieć prapahandysckija filmy, paviedamili lidskija pravaabaroncy. Pavodle ich źviestak, adabranyja ŭ zatrymanych telefony pradajuć u kramie kanfiskatu.
Pradpryjemstva «Łakafarba» ŭ Lidzie. Fota: sajt pradpryjemstva
Zatrymańni na pradpryjemstvie «Biełteks Optyk», pavodle infarmacyi pravaabaroncaŭ, prajšli 21-22 vieraśnia.
Taksama 22 vieraśnia zatrymlivali ludziej na pradpryjemstvie «Łakafarba» i Lidskim HUP ŽKH. «U ŽKH zatrymany buchhałtar. Chutčej za ŭsio, rejdami pa zatrymańniach zajmajucca «hastralory» z Hrodna», — paviedamili pravaabaroncy.
Były načalnik Lidskaj DAI, a ciapier ideołah Lidskaha małočna-kansiervavaha kambinata Alaksandr Švakiel. Fota: «Priniemanskije viesti»
A na Lidskim małočna-kansiervavym kambinacie źjaviŭsia ideołah — były načalnik adździeła DAI Lidskaha RAUS Alaksandr Švakiel. Pavodle infarmacyi pravaabaroncaŭ, usich rabotnikaŭ abaviazali padpisać «kodeks karparatyŭnaj etyki». Tam, akramia karparatyŭnaha stylu adzieńnia i inšych rečaŭ, prapisana niedapuščalnaść prahladu «ekstremisckich» resursaŭ, śćviardžajuć pravaabaroncy.
«Ekstremisckimi» łukašysty nazyvajuć usie niepadkantrolnyja sabie ŚMI, kanały i błohi.
«Akramia taho, rabotniki nie pavinny kantaktavać pamiž saboj, razmaŭlać i źbiracca hrupami. Nie majuć prava raspaviadać kamu-niebudź pra toje, što adbyvajecca na zavodzie. Piać čałaviek byli zaprošanyja spačatku na razmovu ab art. 19.11 KaAP, potym ich prymusili hladzieć filmy «Mankurty» i «Zabić prezidenta», — raspaviali pravaabaroncy.
Pavodle ich źviestak, kanfiskavanyja ŭ zatrymanych mabilnyja telefony potym pradajuć u kramie kanfiskatu «Vaš vybar» na vulicy Adama Mickieviča.
Čytajcie taksama:
U Lidzie zatrymali mužčynu i jahonaha načalnika, jaki papiaredziŭ pra niebiaśpieku
Asbaliva,datyčycca tych,chto mieškaje u EZ.
Kali usie patryjoty svalać ,chto zastaniecca???Chto budzie u hadzinu X u Biełarusi revalucyju rabić?Jabaćki,maskali,ci abyjakavyja dy ix zombi dzietki jakim u škole ,sadočku mazhi pramyli???Zastavajociesia u Biełarusi,asabliva moładź,bo biez vas niamaje budučyni.Zmahajciesia!Ničoha za tak nia byvaje,pryjdziećcie navat krou pralić jašče.Cacy blacha,niuni raśpieščanyja.Valić jak tolki kiepska?