Budanaŭ zajaviŭ, što ŭ vyniku ataki na štab Čarnamorskaha fłotu ŭ Sievastopali zahinuli 9 čałaviek
Načalnik Hałoŭnaha ŭpraŭleńnia raźviedki Ukrainy raspavioŭ «Hołasu Amieryki», što padčas učorašniaj rakietnaj ataki na štab Čarnamorskaha fłotu ŭ Sievastopali zahinuli 9 čałaviek, jašče 16 paranieny.
Štab Čarnamorskaha fłotu RF paśla rakietnaj ataki
Siarod paranienych Kirył Budanaŭ nazvaŭ kamandujučaha hrupoŭkaj rasijskich sił na Zaparožskim kirunku hienierał-pałkoŭnika Alaksandra Ramančuka i načalnika štaba hienierał-lejtenanta Aleha Cakova. Apošni, śćviardžaje Budanaŭ, znachodzicca biez prytomnaści.
«Kolkaść paciarpiełych zvyčajnych vajskoŭcaŭ, jakija nie źjaŭlajucca rabotnikami štaba, jašče vyśviatlajecca. Heta vajskoŭcy, jakija niasuć słužbu, achova, i hetak dalej — jany nie ŭvachodziać u toj pieralik, jaki ja vam ahučyŭ», — dadaŭ Budanaŭ.
Infarmacyi pra stan kamandujučaha Čarnamorskim fłotam Viktara Sakałova HUR nie maje.
Minabarony Rasii paviedamlała tolki pra adnaho źnikłaha bieź viestak (ale raniej zajaŭlała pra adnaho zahinułaha).
Čytajcie taksama:
Jakija rakiety lepšyja: Storm Shadow ci Taurus
Minabarony Ukrainy zajaviła, što maje mahčymaść źniščyć Čarnamorski fłot Rasii
https://politikus.info/events/155745-po-kremenchugu-nanesen-moschneyshiy-raketnyy-udar.html