Znajści
Ałharytmičny łacinski varyjant
22.09.2023 / 18:223RusŁacBieł

Vyjšła kniha «Kruhłaja Square» Vała Klementa — iraničny žyćciapis čałavieka i impieryi

Kali darosły čałaviek, juryst, emihruje ŭ čužuju krainu, z całkam inšaj sistemaj prava, movy jakoj nie viedaje — u jaho ŭsio moža skłaścisia dobra. Jak u hieroja knihi Vała Klementa, jakuju vydała vydaviectva Gutenberg Publisher.

Hienia Rud, hałoŭny hieroj ramana, naradziŭsia ŭ Miensku i pałovu žyćcia pražyŭ na Kruhłaj płoščy (ciapier płošča Pieramohi). Ad «Dziušesa» da cukierak «Čyrvony mak» — usie radaści savieckaha dziacinstva byli jamu dastupnyja, u adroźnieńnie ad mahčymaści prosta adkryć vizu i pajechać u kapitalistyčny śviet. Ale voś jon užo pje India Pale Ale niedzie ŭ vakolicach Trafalgar square i prapanuje nam usim aptymistyčna hladzieć u budučyniu: adnojčy jon užo naziraŭ, jak razvaliŭsia simbijoz vypraŭlenča-pracoŭnaha łahiera z kazarmaj i kałhasam.

Jak piša ŭ svajoj recenzii na tvor Uładzimir Arłoŭ:

«Hety raman — niaźmienna daścipny, vielmi asacyjatyŭny, z elemientami antyŭtopii, viasioły i harkavaty, sarkastyčny i časam cyničny, prasiaknuty humaram, ironijaj i, što samaje hałoŭnaje, samaironijaj, jakaja jość najlepšym srodkam samaabarony, — nie dazvolić vam zasumavać. A jak viadoma, niachaj žyvie luby žanr, aprača sumnaha!»

Kniha pradajecca na sajcie vydaviectva, a taksama afłajn u Vilni.

Vał Klement (sapraŭdnaje imia Vasil Jeŭdakimaŭ) naradziŭsia ŭ 1957 hodzie ŭ Minsku ŭ siamji vykładčykaŭ VNU.

Skončyŭšy jurydyčny fakultet BDU, pa raźmierkavańni trapiŭ na pracu ŭ orhany prakuratury Minska. Praz peŭny čas aŭtar z palohkaj raźvitaŭsia z prakuraturaj, a prakuratura z palohkaj raźvitałasia z aŭtaram.

Paśla taho jon abaraniŭ dysiertacyju na zvańnie kandydata jurydyčnych navuk i ŭładkavaŭsia vykładčykam na rodny jurfak. U 1990 hodzie byŭ zaprošany na pracu ŭ adnu ź viadučych jurydyčnych firmaŭ Vialikabrytanii dy pierajechaŭ u Anhliju, što dało jamu mahčymaść nabyć dośvied zachodniaj jurydyčnaj praktyki, vyvučyć biełaruskuju movu i pahladzieć inšy, nieznajomy śviet. Žyvie ŭ Łondanie.

Čytajcie taksama:

Nadrukavali adryŭny kalandar «Naš kraj» na 2024 hod

U Danii vyjšła antałohija biełaruskaj litaratury

Vyjšła kniha vieršaŭ Andreja Chadanoviča ź pierakładami na litoŭskuju movu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
0
Ха-ха
1
Ого
1
Сумна
0
Абуральна
1
0
biełaruska/adkazać/
22.09.2023
"...pierajechaŭ u Anhliju, što dało jamu mahčymaść nabyć dośvied zachodniaj jurydyčnaj praktyki, vyvučyć biełaruskuju movu..." vyvučyć biełaruskuju, źjechaŭšy ŭ Anhliju. karotka pra moŭnuju sytuacyju.
2
Žvir/adkazać/
23.09.2023
Ja hetyja reflieksii asobna ŭziataha emihranta čytać nia budu. Padobnaje čytvo ŭ topie luchty, srač na hluzdy nia majučy nijakaj karyści, ni praktyčnaj, ni estetyčnaj, ni ŭ jakaści dośviedu ci novych viedaŭ. Nia sumny tvor ? O! heta dasiahnieņnie! Novy kryteryj u padychodzie da litaratury, i ničoha, što jon vykliučna subjektyŭny...
1
round płošča/adkazać/
23.09.2023
indian pale ale burda, Łondan - ničoha dobraha, a Minsk - najlepšy horad na ziamli
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera