«Układajusia ŭ 2,5 rubla». Kolki hrošaj biełarusy addajuć na abiedy ŭ stałoŭkach i kaviarniach
Kolki hrošaj treba, kab pajeści ŭ stałoŭcy abo kaviarni? Takoje pytańnie svaim čytačam u sacsietkach zadaŭ «Anłajnier». Vyśvietliłasia, što dobra paabiedać možna na zusim roznyja sumy.
2,58 rubla
Iryna pracuje ŭ Homieli i ŭmudrajecca vydatkavać na abied mienš čym try rubli.
Chtości moh by źjedliva skazać: napeŭna, Iryna biare tolki chleb. A voś i nie, na hetyja hrošy ŭ jaje vychodzić pieršaje, druhoje, sałata i napoj.
Tut na fota harochavy sup, katleta z kurycy, makarona, sałata z kapusty i čaj.
Dzie tak tanna možna pajeści? U studenckaj stałoŭcy BiełDUT.
4,20 rubla ŭ stałoŭcy BNTU
Heta abied Siarhieja, jon taksama abiedaje ŭ studenckaj stałoŭcy — zachodzić na abied u BNTU.
Na padnosie rasolnik za 1 rubiel, makarona kaštavała 38 kapiejek, piačonka krychu mienš za 2 rubli i sok (u čeku napisana «ananasavy», ale bolš padobny da tamatnaha).
4,91 rubla
Julija taksama chodzić u stałoŭku BNTU, joj treba 5-6 rubloŭ na abied.
«Vielmi smačna i niadoraha. Ježa nahadvaje školnyja hady, a kamuści dziciačy sad. A jakija bułački! Jak u dziacinstvie».
Maksim taksama kuplaje abiedy ŭ stałoŭkach BNTU.
«Ja pracuju pobač z univiersitetam, mnie da jaho 5 chvilin pieššu. Doŭhi čas zakazvaju prykładna adno i toje ž (kali nie paśpiavaju doma paabiedać), układajusia ŭ 10 rubloŭ».
Na fota — pieršaja strava, dźvie porcyi haračaha, piražok, try kavałački chleba, kampot.
6 rubloŭ
Kiryła kožny pracoŭny dzień zachodzić u stałoŭku zavoda «Atłant». Na padnosie ŭ jaho harochava-bulbiany sup pa 56 kapiejek, tušanaja kapusta pa 85 kapiejek, smažanina sa śvininy pa 2,95 rubla, sałata pa 45 kapiejek. «Zvyčajna ja ŭkładajusia ŭ 6 rubloŭ», — kaža jon.
Kiryła taksama pakazaŭ mieniu stałoŭki — bolš za pałovu straŭ kaštujuć mienš za 1 rubiel. Chiba što tolki za porcyju miasnoha albo ryby treba zapłacić kala 3 rubloŭ.
Kala 7 rubloŭ
Maksim pracuje ŭ ofisie, jaki raźmieščany niedaloka ad Minskaha elektratechničnaha zavoda imia Kazłova, tam i jeść.
«Uvachod u stałoŭku volny. Abied na fota abyšoŭsia mnie prykładna ŭ 7-8 rubloŭ».
7,64 rubla
Abied Kiryły ŭ horadzie Ivacevičy — kapusta, draniki i katleta kaštavali krychu bolš za 7 rubloŭ.
«Heta abied u stałoŭcy «Krynica» niedaloka ad vakzała. Kab pajeści, mnie chapaje 6-9 rubloŭ».
9-12 rubloŭ
Prykładna taki abiedzienny biudžet u Alesi. Zvyčajna razam z kalehami jana abiedaje ŭ «Lidbeer Bar Lehienda» ŭ Minsku.
Tut na fota źleva — vyklučeńnie: zajšli ŭ kaviarniu «Kitajskaja ramiennaja». Taki sup z łokšynaj kaštuje 16 rubloŭ, porcyja vielizarnaja. U «Lidbeer Bar Lehienda», pa słovach Alesi, na 9-12 rubloŭ možna ŭziać sup, miasa i harnir albo miasa, harnir i sałatu.
Na fota sprava — set z Lidbeer Bar za 33 rubli, uziali na dva čałavieki.
10,80 rubla
Dzianis pracuje praktyčna ŭ centry Minska, u jaho na pracy pryniata chadzić na abied razam z kalehami albo zamaŭlać ježu ŭ ofis.
«Časta my abiedajem u Blackberry, za pieršaje, druhoje i treciaje addaju 10-13 rubloŭ».
Heta abied za 10,8 rubla: zialony sup sa ščaŭja, sałata z marskoj kapustaj, piure, kurynaje ściahno ŭ paniroŭcy, chleb.
Kala 13 rubloŭ
Zvyčajna Julija abiedaje ŭ minskaj ustanovie Paul: «U siarednim haračaje kaštuje kala 10 rubloŭ plus 5 rubloŭ kava, kali nie brać desiertu. Z desiertam cana budzie bolšaja za 15 rubloŭ. Siońnia my z mužam upieršyniu zajšli ŭ «Tempa», zapłacili 27 za abaich. Mnie spadabałasia, ježa jak chatniaja, porcyi vialikija».
Na talerkach ščaŭje (3,7 rubla, uziali dźvie porcyi), śvinina (10,1 rubla), draniki (7 rubloŭ), kiefir (1,2 rubla, uziali dva). Za ŭsio krychu mienš za 27 rubloŭ.
15 rubloŭ
Taras pracuje ŭ rajonie Kamaroŭskaha rynku. Časam biare ssabojki, časam chodzić u roznyja ŭstanovy. Pastajannaha miesca niama: lubić adkryvać dla siabie niešta novaje.
«Starajusia ŭkłaścisia ŭ 15 rubloŭ. Na hetyja hrošy možna dobra pajeści ŭ azijackaj zabiahałaŭcy na rynku: chopić na płoŭ i sup, heta buduć vialikija sytnyja porcyi. Časam biaru vialikuju šaŭrmu, heta 12-13 rubloŭ. Tut na fota płoŭ ź jałavičynaj, jon jakraz pa 15 rubloŭ».
Bolš za 20 rubloŭ
Kali Anatol źbirajecca na abied z kalehami, to zvyčajna ŭsie družnym natoŭpam iduć u bar «Małady». Tut na fota chot-dohi ź piepieroni (kala 15 rubloŭ za kožny), jašče 7 rubloŭ kaštavaŭ limanad.
«Dla mianie heta niedarahi pažyŭny abied. Pajeŭ — i nie hałodny ŭvieś dzień».
Čytajcie taksama:
U Barysavie ŭ školnaj stałovaj prusaki poŭzajuć pa talerkach i šklankach FOTAFAKT
Biudžet volnaha mužčyny: na što i jak traciać hrošy biełaruskija chałaściaki
Biełaruskija škoły pieraviaduć na novy farmat charčavańnia. Kali i jak?
