U ZŠA kiroŭca zahinuŭ, bo servis Google Maps pavioŭ jaho cieraz most, jaki abrynuŭsia amal 10 hadoŭ tamu
Pradstaŭniki Google vykazali spačuvańnie siamji zahinułaha i adznačyli, što sprabujuć svoječasova abnaŭlać infarmacyju ŭ «Kartach», stvarajučy biaśpiečnyja dla kiroŭcaŭ maršruty.
Fota: Getty Image
Incydent adbyŭsia vosieńniu 2022 hoda ŭ Paŭnočnaj Karalinie, ZŠA. Mužčyna viartaŭsia damoŭ, kali ŭžo było ciomna. Ën jechaŭ pa maršrucie, jaki jamu prapanavali karty Google. Na žal, maršrut prachodziŭ cieraz razburany most, i kiroŭca ŭpaŭ u raku z vyšyni šaści mietraŭ, u vyniku čaho zahinuŭ. Palicyja, jakaja prybyła na miesca zdareńnia, ustanaviła, što kala mosta nie było aharodžy i darožnych znakaŭ, jakija b papiaredžvali pra abvał kanstrukcyi.
Udava zahinułaha padała pazoŭ na kampaniju Google i zajaviła, što pryčynaj śmierci jaje muža stała niasvoječasovaje abnaŭleńnie karty. U pazovie taksama adznačajecca, što miascovyja žychary nieadnarazova źviartalisia ŭ Google z prośbaj abnavić karty paśla abvalvańnia mosta. Adnak reakcyi ad kampanii nie było.
Čytajcie taksama:
Što palahčaje žyćcio turystu? Top-10 mabilnych prahram i servisaŭ dla pachodaŭ i padarožžaŭ
