Znajści
Ałharytmičny łacinski varyjant
24.09.2023 / 12:403RusŁacBieł

Antyhostynh — novy sposab nie raźbivać sercaŭ

Vy schadzili na spatkańnie i pryjšli dachaty z žudasnymi ŭražańniami. Jak pravilna pastupić? Dapamohuć praviły antyhostynhu.

Fota: pexels.com

Mahčyma, vy ŭžo čuli pra hostynh — źjavu, kali niechta rezka zakančvaje adnosiny ź inšym čałaviekam i nie daje jamu tłumačeńniaŭ. Heta nie tolki pra spynieńnie sprob źviazacca z partnioram, ale i pra ihnaravańnie jaho zvankoŭ i paviedamleńniaŭ. Siońnia heta papularnaja tendencyja.

Ale jość i advarotnaja źjava — antyhostynh, kali vy paviedamlajecie čałavieku, ź jakim sustrakalisia, što bolš nie žadajecie jaho bačyć. Časta heta robicca praz tekstavaje paviedamleńnie. Taki krok aznačaje, što vy dastatkova stały čałaviek, kab adkryta kazać pra svaje pačućci, zamiest taho kab źnikać biasśledna.

Tyktokiery z zadavalnieńniem padchapili hety novy trend. U sacsietcy bahata rolikaŭ z prykładami paviedamleńniaŭ, jakija možna dasyłać niaŭdałym partnioram, jość navat prapanova źviarnucca da ChatGPT, kab štučny intelekt napisaŭ takoje paviedamleńnie za vas — ale ci budzie ŭ hetym emacyjnaja stałaść?

Karystalnica sabrina.zohar prapanuje prosty i karektny tekst dla paviedamleńnia niaŭdała vybranamu partnioru: «Pryvitańnie! Chaču być ščyraj i skazać, što ja trochi padumała i nie liču, što dla mianie heta pravilny varyjant. Zyču tabie ŭsiaho najlepšaha, było pryjemna z taboj sustrecca. Bieražy siabie!»

@sabrina.zohar Instead of ghosting say this. #ghosting#text#datingtips#datingadvice#dating♬ original sound - Sabrina Zohar

Rolik Sabryny z hetym tekstam nabraŭ u tyktoku amal try miljony prahladaŭ.

Jość navat śpiecyjalnyja mabilnyja prahramy, jakija dapamahajuć nie zajmacca hostynham, — na žal, jany pakul nie dajšli da našaha rynku. Naprykład, isnuje prahrama Elate. Jana pracuje hetak ža, jak i inšyja prahramy dla spatkańniaŭ, ale maje niekalki śpiecyjalnych charaktarystyk. U Elate možna adnačasova pierapisvacca tolki z tryma patencyjnymi partniorami, i, kab zavieści novuju pierapisku, treba zakryć adzin z čataŭ. U hetym vypadku prahrama dašle karystalniku, ź jakim vy bolš nie žadajecie kantaktavać, vietlivaje paviedamleńnie, kali vy sami pra heta nie pakłapacilisia.

Čamu antyhostynh — najlepšy vybar? Pierš za ŭsio kidać biez papiaredžańnia inšaha čałavieka — heta prosta nie vielmi dobra. Vam moža zdavacca, što tak budzie miakčej, ale hostynh moža mieć advarotny efiekt na ciapier užo eks-partniora: čałaviek budzie hublacca ŭ zdahadkach, što było nie tak, i dla jaho adnosiny nie buduć zavieršanyja naležnym čynam. Varta sfarmulavać raźvitalnyja słovy tak, kab nie adčuvać siabie nijakavata, kali vy raptam sustrenieciesia z byłym partnioram na vulicy. Akramia taho, kali vy vybirajecie skončyć adnosiny z pavahaj, heta šmat kaža pra vas jak pra čałavieka.

Bolš za toje, hostynh moža być škodnym dla mientalnaha zdaroŭja. U 2021 hodzie vydańnie Psychology of Popular Media apublikavała daśledavańnie, pavodle jakoha achviary hostynhu majuć prablemy z davieram da inšych ludziej i samaacenkaj. Tym, chto kidaje partnioraŭ biez raźvitańnia, taksama niaprosta — jany adčuvajuć vinu i zhryzoty sumleńnia.

U lubym vypadku nie treba bajacca, i kali vy stali achviaraj hostynhu, nie prymajcie hetaha na svoj rachunak. Mahčyma, čałaviek prosta nie zdoleŭ vyrazić svaje pačućci, abo jamu nie chapiła śmiełaści być ščyrym, abo čałavieku prosta ciapier nie da spatkańniaŭ. Idzicie dalej z razumieńniem, što, chacia hety čałaviek i nie padyšoŭ vam, u śviecie bahata inšych ludziej, jakija buduć radyja z vami paznajomicca.

Kali vy pišacie raźvitalnaje paviedamleńnie, budźcie ščyrymi. Naprykład, na paviedamleńnie, dzie niechta vyražaje svaju cikavaść da vas, padziakujcie za pryjemny čas, praviedzieny razam, i jasna paviedamicie, što hetaja cikavaść nie ŭzajemnaja. Naŭrad ci vy chočacie pakryŭdzić čałavieka, ale i nie varta davać jamu łžyvuju nadzieju. 

Ludziam lahčej pryniać admovu, kali jana zroblenaja z pavahaj, i ciažej, kali jany adčuvajuć, nibyta ad ich pazbaŭlajucca jak ad śmiećcia. Kali vy dapuskajecie mahčymaść zastacca siabrami, to napišycie i heta ŭ paviedamleńni.

U kožnych adnosinach nadychodzić momant, kali pry rasstańni ŭžo nie chopić prostych słoŭ «reč nie ŭ tabie», i kali treba mieć mužnaść na ščyruju razmovu. Ale moža być składana vyśvietlić, ci nadyšoŭ užo hety momant. Takaja miaža nievyraznaja i zaležyć chutčej nie ad kolkaści spatkańniaŭ, a ad taho, nakolki hłybokija adnosiny ŭ vas skłalisia z čałaviekam. Kali vy adčuvajecie, što vaš partnior pryviazany da vas, a vy nie adčuvajecie takoj ža pryviazanaści, mahčyma, čas ź im ščyra pahutaryć.

Jość jašče adzin varyjant, kali časam možna spynić adnosiny biez raźvitańnia. Partnior stavicca da vas ź niepavahaj ci z ahresijaj? Dazvolcie sabie abarvać ź im kantakty, kali paličycie patrebnym.

«Naša Niva» — bastyjon biełaruščyny

PADTRYMAĆ

«Praviła piaci chvilin». Biełarusy raskazali, jak źlivajucca sa spatkańnia, kali jano nie padabajecca

«U ispancaŭ pryniata chutka pieravodzić znajomstva ŭ łožak». Biełaruski raskazvajuć, čym adroźnivajucca spatkańni za miažoj

Psichołah nazvała rysy partniora, niebiaśpiečnyja dla adnosinaŭ

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
3
Ха-ха
2
Ого
3
Сумна
2
Абуральна
3
0
Voś/adkazać/
24.09.2023
Vo da čaho ludziej daviało anłajn žyćcio ŭ internecie - da hostynhaŭ i antyhostynhaŭ. Raniej, kali niechta tabie nie padabaŭsia, jamu prosta vykatvali harbuz. Tak što ŭsim ‘hosteram' pa harbuzu pierad Hełoŭinam 🎃
6
cinik/adkazać/
24.09.2023
Kakaja ž čuš. Vot eto soobŝienije: «Pryvitańnie! Chaču być ščyraj i skazać, što ja trochi padumała i nie liču, što dla mianie heta pravilny varyjant. Zyču tabie ŭsiaho najlepšaha, było pryjemna z taboj sustrecca. Bieražy siabie!» eto ravnosilno tomu čtob obosrať čiełovieka:)) "ia trochi padumała" . I Eto čisto babskij otmaz. Potomu čto mužiki tak siebia nie viedut i takoje nie skažut. A jeśli skažut to pośle etoho budut zabłokirovannyje i v čiornom śpiskie))) no baby počiemu to sčitajut, čto mužiku možno tak otvietiť i tot dołžien eto prohłotiť:) i jeŝie v otviet skazať spasibo. Tieorietičieski sriedniestatističieskij pacan možiet vybrať lubuju boleje mienieje simpatičnuju dievčionku i vstriečaťsia s niej, vlubiťsia i dažie žieniťsia. No s babami nie tak, oni pieriebirajut i viertiat nosom, vykatyvajut tysiači kritierijev, a sajty znakomstv eto konviejier, i na etom konviejierie imienno mužiki.
0
hierdzień/adkazać/
24.09.2023
zvyčajny narmalny adkaz intelehentnaha čałavieka. a ihnor - heta zvyčajny ehaizm i niavychavanaść 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930