U śpis ekstremisckich farmiravańniaŭ uklučyli vypadkovaha čałavieka. Nasamreč jon nie maje dačynieńnia da taho, što jamu zakidajuć
Imavierna, siłaviki prosta supastavili jahonyja niknejmy ŭ Telegram i va «UKantakcie».
Andrej Šocik. Kałaž: «Naša Niva»
Siońnia abnaviŭsia śpis «ekstremisckich farmiravańniaŭ». Tudy patrapiŭ kanał «Sumlenny Hrodna» razam ź jahonymi administratarskimi staronkami. Asobna tudy ŭniesieny Šocik Andrej Anatoljevič 1993 hoda naradžeńnia. Voś ź im usio nie tak prosta.
Skrynšot śpisa ekstremisckich farmiravańniaŭ
Nasamreč, anijakaha dačynieńnia da kanała «Sumlenny Hrodna», jak paviedamili znajomyja ź situacyjaj, mužčyna nie maje. Prosta jahony niknejm va «UKantakcie» supadaje ź imiem karystalnika akaŭnta administratara «Sumlennaha Hrodna» ŭ telehramie.
Toje, što mienavita Andrej Šocik — administratar kanała, biełaruskija siłaviki pamyłkova śćviardžali jašče hod tamu i pisali, što jon «chavajecca na terytoryi Polščy».
Taksama viadoma, što mienavita tak byli «deananimizavanyja» niekatoryja ludzi ŭ kanale «Zrabi pa sumleńni», jaki viadzie hrodzienski HUBAZiK. Juziernejm u telehramie advolna supastaŭlajecca ź imiem karystalnika luboj inšaj sacsietki, a paśla źviestki zusim nie datyčnaha ni da čoha čałavieka publikujucca ŭ kanale.
«Naša Niva» — bastyjon biełaruščyny
PADTRYMAĆČytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
