Znajści
Ałharytmičny łacinski varyjant
21.09.2023 / 08:291RusŁacBieł

Zarobak dva razy na miesiac, praca bieź pierapynku na abied i nie tolki. Jak budziem pracavać pa abnoŭlenym Pracoŭnym kodeksie

Pahladzieli, jakija asnoŭnyja źmieny čakajuć biełarusaŭ u vyniku pryniaćcia novaj redakcyi Pracoŭnaha kodeksa.

Ilustracyjny zdymak. Fota: «Naša Niva»

Vypłata zarobku nie radziej za 2 razy na miesiac usim

Abnoŭleny kodeks praduhledžvaje vypłatu zarobku nie radziej za dva razy na miesiac usim rabotnikam, u tym liku i tym, chto pracuje pa kantraktach, dzie prapisana vypłata zarobku adzin raz na miesiac. Źmieny ŭ kantrakt treba budzie ŭnieści da 1 studzienia 2024 hoda.

Adpusknyja

Vypłata adpusknych musić adbyvacca nie paźniej čym za 2 dni da pačatku adpačynku. Zaraz hetaja norma budzie tyčycca tolki tych vypadkaŭ, kali rabotnik idzie ŭ adpačynak zhodna z hrafikam. U inšych vypadkach, naprykład, pry pieranosie adpačynku, adpusknyja pavinny buduć vypłačvacca sa zhody rabotnika nie paźniej za 2 rabočyja dni ad dnia pačatku adpačynku. U staroj redakcyi adpusknyja treba było vypłačvać nie paźniej čym za 2 dni da pačatku adpačynku biez vyklučeńniaŭ.

Praviły pracy ŭ pieradśviatočnyja dni

U novaj redakcyi zamacavali praviły skaračeńnia pieradśviatočnaha pracoŭnaha dnia dla tych, chto pracuje niapoŭny pracoŭny dzień. Jaho praciahłaść budzie skaračacca praparcyjna kolkaści hadzin niapoŭnaha pracoŭnaha času. Naprykład, kali čałaviek pracuje na 0,5 staŭki i jaho pracoŭny dzień składaje 4 hadziny, to ŭ pieradśviatočny dzień jon budzie pracavać na 30 chvilin mienš.

Dazvolać pracavać bieź pierapynku 

U abnoŭlenym kodeksie nie budzie normy, zhodna ź jakoj tyja, chto pracuje pa nierehularnym hrafiku, nie mohuć pracavać bolš za 10 hadzin na praciahu pracoŭnaha dnia. 

Taksama možna budzie nie mieć pierapynku dla adpačynku i charčavańnia, kali pracoŭny dzień nie pieravyšaje 4 hadzin. Aproč hetaha, za rabotnikam zamacavali prava pracavać bieź pierapynku na adpačynak i abied. Ale mahčyma heta tolki pa ŭłasnym žadańni rabotnika.

Skaročany pracoŭny dzień zamiest vychadnoha

Šmatdzietnyja baćki pa ŭzhadnieńni z najmalnikam zmohuć skaracić praciahłaść štodzionnaj pracy na adnu hadzinu zamiest vyzvaleńnia ad pracy na adzin dzień na tydzień. Takoje mahčyma pry ŭmovie, što heta nie budzie pieraškadžać narmalnaj pracy arhanizacyi.

Ilustracyjny zdymak. Fota: «Naša Niva»

Źjavicca novy vid sacyjalnaha adpačynku

Kodeks budzie dapoŭnieny artykułam 187, dziakujučy jakomu źjavicca adpačynak dla zaviaršeńnia raboty nad kvalifikacyjnaj navukovaj pracaj (dysiertacyjaj) na atrymańnie vučonaj stupieni doktara navuk. Maksimalnaja praciahłaść takoha adpačynku — 30 dzion. Dać taki adpačynak najmalnik abaviazany pa žadańni rabotnika — adnarazova, z zachavańniem siaredniaha zarobku.

Najmalnik taksama budzie abaviazany dać rabotnikam adpačynak biez zachavańnia zarabotnaj płaty na čas pastupleńnia va ŭstanovy adukacyi dla atrymańnia navukova-aryjentavanaj adukacyi (aśpiranturu). Praciahłaść adpačynku dla pastupleńnia moža składać nie bolej za 12 kalandarnych dzion.

Dyspansieryzacyja ŭ pracoŭnyja dni

U abnoŭlenym zakonie zamacavana prava rabotnikaŭ prachodzić dyspansieryzacyju ŭ arhanizacyjach achovy zdaroŭja ŭ pracoŭnyja dni. Pry prachodžańni dyspansieryzacyi rabotniki buduć vyzvalacca ad pracy z zachavańniem miesca pracy, pasady i siaredniaha zarobku. Kolkaść dzion budzie zaležać ad uzrostu supracoŭnika. 

Dla ludziej va ŭzroście da 40 hadoŭ — heta 1 pracoŭny dzień raz na 3 hady.

Dla rabotnikaŭ 40+ — 1 pracoŭny dzień raz na hod.

Dla piensijanieraŭ, što pracujuć, i tym, kamu da piensii zastałosia mienš za 5 hadoŭ, — 2 pracoŭnyja dni raz na hod.

Aznajomicca z poŭnym śpisam źmien i dapaŭnieńniaŭ u Pracoŭny kodeks možna pa spasyłcy. Źmieny nabuduć moc 1 lutaha 2024 hoda. 

Čytajcie taksama:

Pracujecie pa źmienach? Voś jak zachavać režym snu

Zatrymali rabotnicu harełačnaha zavoda za «abrazu ruskich»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
9
Statystyčna dakładna/adkazać/
21.09.2023
Kamu heta cikava ? Tutaka ŭsie zamiežniki...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera