Znajści
Ałharytmičny łacinski varyjant
17.09.2023 / 20:112RusŁacBieł

USU aficyjna paćvierdzili vyzvaleńnie Klaščejeŭki

Ukrainskija vojski vyzvalili nasieleny punkt Klaščejeŭka na Bachmuckim kirunku ŭ Danieckaj vobłaści. Pra heta paviedamiŭ kiraŭnik pres-słužby Uschodniaj hrupoŭki vojskaŭ kapitan Ilja Jaŭłaš, piša «Ukrainskaja praŭda».

Vyzvalenaja Klaščejeŭka. Skrynšot videa z fejsbuk-staronki bryhady «Luť»

«Mahu paćvierdzić, što heta adbyłosia dziakujučy namahańniam 80-j asobnaj desantna-šturmavoj bryhady, 5-j asobnaj šturmavoj bryhady i abjadnanaj bryhady Nacpalicyi «Luť», — paviedamiŭ Ilja Jaŭłaš.

Ciapier, pa słovach Jeŭłaša, u deakupavanym nasielenym punkcie pradaŭžajucca stabilizacyjnyja mierapryjemstvy, siły abarony zamacoŭvajucca na pazicyjach.

Razam z tym abjadnanaja šturmavaja bryhada Nacpalicyi «Luť» apublikavała videa z Klaščejeŭki i taksama paćvierdziła vyzvaleńnie nasielenaha punkta:

«My, vajskoŭcy 80-j asobnaj desantna-šturmavoj bryhady, 5-j asobnaj šturmavoj bryhady, asobnaj abjadnanaj šturmavoj bryhady palicyi «Luť», vykanali zadańnie — vyzvalili nasieleny punkt Klaščejeŭka Danieckaj vobłaści ad akupantaŭ. Adnak vorah nie pakidaje sprob zachapić jaho znoŭ».

Raniej u niadzielu kiraŭnik Ofisa prezidenta Ukrainy Andrej Jarmak apublikavaŭ fota z vajskoŭcami ŭ Klaščejeŭcy na fonie miascovaha chrama, adznačyŭšy, što Ukraina zaŭsiody viartaje svaje terytoryi. Adnak u bryhadzie «Luť» tady zajavili, što ŭ Klaščejeŭcy viaducca aktyŭnyja šturmavyja dziejańni, i paćvierdzić stapracentny kantrol nad nasielenym punktam jany nie mohuć.

Čytajcie taksama:

Źjavilisia pieršyja fota ŭkrainskich vajskoŭcaŭ u centry vyzvalenaj Klaščejeŭki

Połk Kalinoŭskaha apublikavaŭ videa ŭvachodu svaich bajcoŭ u Klaščejeŭku

Čamu vyzvaleńnie Andrejeŭki, ad jakoj nie zastałosia žyvoha miesca, važnaje dla USU

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Andruś/adkazać/
17.09.2023
Z Klaščejeŭki ž kolki dzion tamu apublikavaŭ videa Połk Kastusia Kalinoŭskaha, z kamientarom, što našy chłopcy ŭvajšli ŭ Klaščejeŭku, jakuju pakinuli rasijcy.Na videa žaŭniery spakojna iduć vulicaj praktyčna całkam zrujnavanaj rioski. Paźniej PKK paviedamiŭ, što paśpiašaŭsia z zajavaj ab vyzvaleńni Klaščejeŭki i za jaje jašče viaducca ciažkija bai. 
I voś - u biełaruskim ŚMI paviedamleńnie pra toje, što Klaščejeŭka, usio ž, vyzvalenaja. Ale z hetaj naviny na NN ŭ kantekście raniejšych atrymlivajecca, što kalinoŭcy chacieli prymazacca da čužoŭ pieramohi: akazvajecca, Klaščejeŭku vyzvali 80-ja i 5-ja bryhady USU i bryhada palicyi "Luť", a nijakim Pałkom Kastusia Kalinoŭskaha tam navat nie pachła. 
Dyk usio ž, udzielničała biełaruskaje padraździaleńnie ŭ vyzvaleńni hetaha nasielenaha punkta, ci "chtota ŭrot"? 
2
Saturn/adkazać/
18.09.2023
Mołodcy ukraincy i uśpiechov im v dalniejšiem!)))
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031