Znajści
Ałharytmičny łacinski varyjant
14.09.2023 / 19:21RusŁacBieł

U Litvie pieradali ŭ sud spravu jurysta Mantasa Danielusa

Prakuratura Vilenskaha krajavoha suda pieradała spravu jurysta Mantasa Danielusa, jaki abvinavačvajecca ŭ špijanažy na karyść łukašenkaŭskaha režymu i ŭździejańni na śviedak, u Vilenski krajovy sud, paviedamlaje LRT.

Dasudovaje rasśledavańnie pa fakcie špijanažu na karyść režymu Łukašenki było raspačata hod tamu «paśla atrymańnia abhruntavanych danych» ab tym, što Danielus «z pačatku 2022 hoda źbiraŭ i pieradavaŭ hramadziancy Biełarusi cikavuju dla biełaruskaj raźviedki infarmacyju». Hetaj hramadziankaj Biełarusi była viadomaja teleprapahandystka Ksienija Lebiedzieva.

Mantasu Danielusu pahražaje ad 6 da 15 hadoŭ pazbaŭleńnia voli. Śćviardžajecca, što abvinavačany «pad vyhladam vałanciorskaj dziejnaści mieŭ znosiny ź dziejnymi ŭ Litvie arhanizacyjami, jakija abjadnoŭvajuć demakratyčnuju apazicyju režymu Respubliki Biełaruś», a taksama z «asobami, jakija pierajechali ŭ Litvu paśla vybaraŭ prezidenta […] 2020 hoda, kab paźbiehnuć zatrymańnia, pazbaŭleńnia voli ci inšaha pieraśledu».

Pavodle źviestak prakuratury, Danielus «naviedvaŭ pamiaškańni biełaruskich apazicyjnych arhanizacyj, udzielničaŭ u ich mierapryjemstvach, źbiraŭ i pieradavaŭ infarmacyju ab ich dziejnaści, prajektach, krynicach finansavańnia».

Za tekst pra spravu Mantasa Danielusa žurnalist «Našaj Nivy» sioleta atrymaŭ premiju Biełaruskaj asacyjacyi žurnalistaŭ «Volnaje słova».

Čytajcie taksama:

U Litvie znoŭ aryštavali jurysta Mantasa Danielusa, padazravanaha ŭ špijanažy

Chacieŭ źbiehčy ŭ Biełaruś, ale nie paśpieŭ. Novyja padrabiaznaści spravy pra špijanaž na karyść KDB litoŭskaha jurysta

«Biełaruski dumali, što Danielus šukaje sabie žonku». Rasśledavańnie litoŭskaha telebačańnia pra dziejnaść Danielusa

Litoŭskaha jurysta, jaki ŭciraŭsia ŭ davier da biełaruskich aktyvistaŭ, aryštavali pa padazreńni ŭ špijanažy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera