Znajści
Ałharytmičny łacinski varyjant
14.09.2023 / 16:581RusŁacBieł

«Možna hladzieć, słuchać i vučycca». Biełaruskija jutubiery abiacajuć zapisać uroki pa ŭsich pradmietach

U biełaruskamoŭnym jutubie źjaviŭsia novy adukacyjny prajekt «Školny voz», paviedamlaje Budzma.org. U jaho aŭtaraŭ vielmi śmiełyja i ambitnyja płany — zapisać videaŭroki pa ŭsich pradmietach školnaj prahramy. «Navat kali dla hetaha nam spatrebicca 15 hadoŭ», — paabiacali viadučyja piłotnaha vypusku Natałka Charytaniuk i Dzianis Burko.

Natałka i Dzianis — davoli daśviedčanyja hulcy na biełaruskamoŭnym adukacyjnym jutub-poli. Charytaniuk viadzie na jutubie «English z Natałkaj», a Burko vučyć školnikaŭ historyi Biełarusi na svaim kanale «Alhierd užo nia toj».

Ciapier jany aktyŭna stvarajuć videaŭroki dla «Školnaha vozu». Spačatku na kanale źjavicca cykł pa historyi Biełarusi za 6 i 7 kłas i prahrama pa anhlijskaj za 5 kłas, a ŭ najbližejšaj budučyni płanujecca školny kurs pa suśvietnaj historyi.

Admietnaść i ŭnikalnaść prajekta ŭ tym, što viadučyja buduć tłumačyć kožny parahraf i kožny junit. Takim čynam, kali niechta raptam prapuściŭ škołu abo štości nie zrazumieŭ ci zachacieŭ pa darozie na ŭroki paŭtaryć materyjał — heta možna budzie zrabić prosta ŭ svaim telefonie. 

Akramia taho, «Školny voz» — heta jašče i cudoŭnaja mahčymaść dla tych, chto zachoča atrymać dadatkovyja viedy i pasłuchać dziela cikavaści inšych nastaŭnikaŭ.

Natałka Charytaniuk i jaje ŭroki anhlijskaj movy

«Ujaŭlajecie, jak budzie zručna — možna hladzieć, słuchać i vučycca. I niavažna, dzie ty znachodzišsia — u Aŭstralii na mysie Kaściuški abo ŭ Miensku, Polščy ci Hruzii», — zaprašajuć padpisvacca na kanał Natałka i Dzianis.

Da inicyjatyvy mohuć dałučacca i nastaŭniki:

«My spadziajemsia, što da nas pryjduć inšyja nastaŭniki, i my zmožam padzialicca svaim dośviedam i napracoŭkami ŭ arhanizacyi zdymak. A moža, razam zapišam i videaŭroki pa inšych školnych pradmietach — matematycy, biełaruskaj movie, bijałohii, fizicy, hieahrafii».

Uroki pa historyi Biełarusi razam ź Dzianisam Burko

Natałka i Dzianis padkreślili jašče adzin važny momant — z roznych pryčyn biełaruskich školnikaŭ siońnia raskidała pa ŭsim śviecie, pieravažnaja bolšaść ź ich vučycca nie pa-biełarusku. «Školny voz» stanie toj samaj placoŭkaj, dzie biełaruskija dzietki zmohuć atrymlivać viedy na rodnaj movie.

Čytajcie taksama:

«Samaje jarkaje pačućcio ad ispanskaj škoły — ja zusim nie napružvajusia jak maci». Jak dzieci biełarusaŭ vučacca za miažoj

«Vosień u akiency». Kvitnieje niezvyčajny biznes: baćki nabyvajuć dzieciam hatovyja vyraby na pracu i malavańnie

«Skazać, što my niešta zabaraniali — nie». Čynoŭniki vykazalisia adnosna zabarony ŭ škołach piesień na zamiežnych movach

U Biełastoku zapracavała biełaruskaja škoła. U jaje zapisałasia bolš za 40 dziaciej

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
0
Ха-ха
0
Ого
0
Сумна
0
Абуральна
0
0
Uład/adkazać/
14.09.2023
Kłasnaja ideja! Žadaju pośpiechaŭ hetym entuzijastam. Abaviazkova treba padtrymać ich padpiskaj. I raić padpisacca svaim siabram, znajomym i susiedziam.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930